• اخر المشاركات

طفح الكيل و أهم شي الأدب يا شباب

جديد الموقع

المشرف: إدارة الموقع

طفح الكيل و أهم شي الأدب يا شباب

مشاركةبواسطة إدارة الموقع في الأحد مارس 05, 2006 12:43 pm

تحية للكل :



بتصير أيام شغلات بتحزن الواحد و بتخلي يفكر, إنو معقول بهالأيام إسا في عالم بسيطة و متخلفة لهالدرجة!!!!

بس مع الأسف في بمجتمعنا هيك عقليات

القصة و ما فيها هي إنو جن جنان البعض بعد ما أطلقنا موقع المتن الرسمي بحلتو الجديدة و كذلك بعد ما أطلقنا موقع كنيسة القديسين بطرس و بولس. و بلش أصحابنا ( أكيد عرفتو مينون) بقلة الأدب و ما اكتفوا بأشياء تدل على الحسد بل صاروا يكتبوا أشياء في منتهى قلة الأدب و التطاول و التشهير بأهلنا , و انبعت أكتر من 5 ردود خلال النهار من نفس الشخص . و في شغلة ملفتة للانتباه إنو نفس الجمل و الأفكار اللي انطرحت ببعض الردود كنت مناقشها و سمعانها عالمسنجر قبل يومين من شخص ع اساس صاحبنا بس مقرب من شلة قليلي الأدب أصحابنا .فا شوفوا الصدفة الغريبة , يعني عم يفتقدوا للتنسيق و عم يخبطوا تخبيط .

المهم عم ينتقدونا إنو مقلدين بعض المواقع الأخرى : و اللي صار هو إنو اقتبسنا صور الأيقونات تبعيت موقع الكنيسة من موقع تاني و أكيد نحنا ما نا فنانيين لحتا نبتدع هيك صور و نصممها بنفسنا , و هيدي الأيقونات موحدة بكل كنائس العالم و ممكن استخدامها للجميع . و نحن احتراماً للقراء و احتراماً لأنفسنا كتبنا بأسفل موقع الكنيسة : الموقع من تنفيذ ........ و ليس من تصميم علماً أنو مغيرين بالشكل و اللوائح و فينا نكتب من تصميم . كمان شغلة تانية حاولوا يتذاكوا الشباب فيها و هي منتدى موقعنا إنو منسوخ من موقع تاني و كمان طلعوا متسرعين و جهلة لإنو هداك الموقع اللي عم يفكروا إنو ناقلين منتداه منشأ بعد منتدانا بسنة إلا 3 ايام فكيف بدنا ننقلوا !!!!!!!!!!!. مع العلم إنو المنتديات قوالب جاهزة و موحدة و ما حدا فيه يغير شي غير ألوان و شوية صور بسيطة و ما هي اختراع . بس العتب ع برامج الانترنت الحديثة اللي خلت اللي ما إلون شغلة يتفلسفوا و يشتغلوا بهالمجال .

ع كلن ما منستغرب هيك حملة حسد و نم نظراً للمستوى العالي لعملنا و نحن منعترف إنو لحد الآن حسنا المظهر العام فقط و نحن بيهمنا المضمون أكتر و هيدي خطواتنا التانية و أنا عم احكي من هون و قدام المئات اللي فيون يقرأوا و يشهدوا على كلامي إنو إذا الله بيتم ع خير رح تشوفوا خدماتنا اللي رح تطال الحياة الاجتماعية و الاقتصادية و العلمية للأهل بمتن الساحل و خارجها قريبا جدا جدا ..نحنا مو فاتحين موقع منشان بس شوية نكت و طرائف و تفاهات متل مواقع أخرى...

على كل حال ما غريب عن أهل المتن تصرف هالفئة من الشباب الطايشين و اللي بيفتقدوا للأدب بحده الأدنى و بحب بس يسمعوا حكي الناس عنون و عن أهاليهون .

و برجع بتمنى من الشخص الجبان اللي كتب كلام قليل أدب إنو يكون زلمة أو نص زلمة و يقول اسمو الصريح و منتناقش بعدا مو إنو يستغل فسحة الحرية بتنزيل المواضيع بمنتدانا و يبلش بإظهار مستواه و مستوى أهلو , على فكرة هالشخص هو نفسو أو من فئة الشخص الجبان اللي كتب مواضيع قليلة الأدب تحت اسم محارب الشيوعية

بس متل ما قلي شخص مقدر و محترم من المتن لما حكي معي مبارح لحتى ينبهني إنو في شغلة مسيئة نازلة عالموقع و هو مشكور عالاتصال ( قلي: ولا عمي لا تنزعج معروفين هالجماعة و معروف مين أهلون و تربيتون )



بالأخير منحط هالملاحظات برسم القراء الكرام و أهل المتن الأعزاء و هني الحكم



د. ربيع فهوم
إن أي رأي أو موضوع ينشر في هذا المنتدى يعبر عن رأي صاحبه فقط , و الإدارة مسؤولة فقط عما ينشر باسم إدارة الموقع .

صورة
صورة العضو
إدارة الموقع
مشرف عام
مشرف عام
 
مشاركات: 306
اشترك في: الثلاثاء مايو 10, 2005 9:51 am

العودة إلى آخر أخبار الموقع

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 5 زائر/زوار

cron