• اخر المشاركات

شو مشان ؟؟

مواضيع حياتية للنقاش الجاد و الصريح

المشرفون: noooooooooooor, Dr Rabie

شو مشان ؟؟

مشاركةبواسطة misho في الأحد أكتوبر 03, 2010 5:39 pm

أي كلنا أكيد شايفين الولاد وطلاب الأعدادي وهاد الجيل الجديد
يعني مثلا اول ظاهرة الكفر بتلاقي ولد صغير طولو تقريبا نص متر وما طلع صف رابع بيقرط بنص الاحرف
ماشي بالطريق وعم يكفر هيك وهيك بالدراسة
وكلام انا بذاتي بخجل قولو , عم يلعب طابة شاطها أجت بعيدة 50 متر عن أقرب مرمى
بيبلش الله ما بيخلي كفرية ومسبة ما بيقولها
حتى يمكن نص المسبات ما بيعرف معناها
وطبعا المصيبة أذا بيعرف هون بقا صارت الثقافة بمجتمعنا زيادة
فمتو قصدي مو
أي هي طبعا اللسان الطويل حيروح من بالكن وقت تشوفوه بعد اللعبة قعد هيك وطلع باكيت من جيبتو وشعل سيجارة ومخمخ عليها
طبعا السيجارة أطول منو بشي 3 أو 4 سم
وعم يشفط ويبلع الدخان ويطلعو من منخيرو هيك بنظرة ثاقبة يتامل فيها السماء
طبعا لسا عم احكي عن الولد نفسو مو أبو
أي المهم هاد بيهون مع فيري مزيل أصعب الدهون
بس انا بدي أفهم انو هاد طفل !! وبيدخن وبيكفر وبيسب مسبات بستحي انا قولها
وبعدين منجي للوقاحة والجأر
وقلة الترباية بتجي بتحكي معو لك ليش عم تدخن
بيرد عليك بعصبية وشو ألك عند ...... أنت اخو مراقي شي ...... فيك شو كتير غلبة
وبينفلت عليك وتقول هو قد جدك ومالك حق تقرب عليه
طبعا هو من أول مسبة حتكون طاقو كف مبلعو السيجارة يلي بأيدو

بس هاد جيل المستقبل ؟؟؟
هاد الجيل يلي بدو يحرر القدس ومدري شو يعمل ؟؟
انا بظن هي من التربية
لأنو هي أصغر خلية بالمجتمع العائلة
والله كانو كل مالون لورا
هلأ بدي أفهم ليش هيك صاير بهالجيل ؟؟؟؟؟؟؟؟؟؟؟؟؟؟؟
live free or die trying
صورة العضو
misho
مشرف
مشرف
 
مشاركات: 299
اشترك في: السبت سبتمبر 19, 2009 10:08 am

Re: شو مشان ؟؟

مشاركةبواسطة issa في الأحد أكتوبر 03, 2010 7:00 pm




منذ سنوات خربشت بضع كلمات عن الموضوع ذاته

قالولي الجيل الطالع

قلتلن جيل وفاشل

بعدو من البيضة طالع

وفكرو من البيضة ونازل

لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: شو مشان ؟؟

مشاركةبواسطة Eng. Jan Fahoom في الأحد أكتوبر 03, 2010 7:10 pm

يا عمي ميشو اللي صاير فينا طبعا هو نتيجة حتمية للعولمة و الإنفتاح على الغرب, و النسخ الأعمى لحضارة الغرب و عاداتهم, و أقصد بالنسخ الأعمى إن نحنا مناخد قشور الأمور دون الجوهر....

يعني مثلا الإنسان في المجتمع الغربي بيروح عالبار, و الإنسان الشرقي كمان تعلم يروح عالبار, بس الفرق هو بالروحة ذات نفسا,,, يعني الغربي بيشتغل كل النهار بإخلاص و جد, و بيتعب و بينتج شي بالنهاية, و المسا بيكون تعبان و بيفكر يروح يشربلو كاسة و يرقص شوي و بيرجع عبيتو بينام ليقوم تاني يوم عالشغل بحيوية, أما أخونا الشرقي, فبكون كل النهار عم يفكر بهاللحظة اللي بدو يروح فيا عالبار, و طبعا عالأغلب بكون طالب أو عاطل عن العمل, و بس بدو يروح لحتى يدخن و يشرب و يرقص عأغاني و موسيقى حتما ما بيعرف شو هيي, و بيضل لآخر الليل عهالحالة و تاني يوم أكيد ما بيروح عالجامعة أة عالشغل إذا كان بيشتغل.... و بالنهاية بيعمل كل هدا ليقعد يحكي عن مراجلو بالبارو كم حكي مع بنت و كم طبق وحدة - و عأساس كلن راهبات بالبار - أو ينشرا عالفيس بوك أو عالسبايس تبعيتو, و كأنو هدا هم البشر كلو......
هدا طبعا مثال بسيط عن النسخ الأعمى...

بالعودة للأخ الصغير الكافر و المدخن,,, فأكيد هو المنتج الطبيعي لمجتمع غزاه الإعلام بصورة فظيعة, و هالمجتمع بالأساس عندو شوية عقد متل عقد الرجولة, يعني يا سيدي الفاضل لما الإعلام المسيس و الموجه للعقول المريضة بيصورلك الرجل اللي عم يشرب سيكارة و هو عحصان إنو الزلمة الما بيتدبر و ما حدا في علا و بيقتل 600 زلمة بضربة وحدة, فأكيد الأخ الصغير اللي متحكي عنو رح يفكر حالو بس يدخن السيكارة رح يكون متلو, أو بأقل تقدير الناس رح ينظرولوا بنفس النظرة للرجل اللي بإعلان الدخان, و كمان يمكن نسيت صورة بيانية مهمة حدا و هي المسدس اللي موجود مع بطل الإعلان, و أكيد لو كان متاح كنت لقيتوا حامل المسدس, و مو بعيدة لما حكيت معو و طقيتو كف بلعتو السيجارة كان طقك رصاصة بين عيونك و طعماك ****** قبل ما اطعمي السيجارة, و أكيد بيحاكموا ‘اساس إنو حدث و ما بيطلع منا شي,, و بالأساس لازم ينلعن أبو عأبو اللي حملوا السلاح...

بس عوجااااااااااااااااااااااااااااااااااااااااااااا
In God We Trust
صورة العضو
Eng. Jan Fahoom
Site Admin
Site Admin
 
مشاركات: 607
اشترك في: الخميس ديسمبر 02, 2004 5:32 pm
مكان: Toronto - ON

Re: شو مشان ؟؟

مشاركةبواسطة issa في الأحد أكتوبر 03, 2010 8:14 pm




يعني يا شباب أذا ألفنا
جمعية وسميناها الجمعية الوطنية لتجليس الكاجو
مش رح يطلع من أمرنا شي
لأنو هالموضوع ببلش بالعيلة
وأذا رب البيت بالدف ضاربون فشيمة أهل البيت
الشخلعة وقلة المروة والكفر والأستخفاف
أساس المشكلة عدم وجود قيم ومعايير



العيلة هي الأهم
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: شو مشان ؟؟

مشاركةبواسطة Eng. Jan Fahoom في الاثنين أكتوبر 04, 2010 5:27 am

يسلم تمك يا أخ عيسى

متل ما بيقولوا الخط الأعوج من الثور الكبير

بس إذا هالفدان* الكبير الله يعزكن أعوج ابن أعوج,,,, فشو بدنا ننطر من الصغار؟؟؟؟



* فدان: كلمة عامية تتعني الثور - المرجع مسلسل ضيعة ضايعة
In God We Trust
صورة العضو
Eng. Jan Fahoom
Site Admin
Site Admin
 
مشاركات: 607
اشترك في: الخميس ديسمبر 02, 2004 5:32 pm
مكان: Toronto - ON

Re: شو مشان ؟؟

مشاركةبواسطة issa في الثلاثاء أكتوبر 05, 2010 7:11 pm



صح

يعني فالج لا تعالج
الموضوع ميؤوس منه
الله يرحم هتلر

لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm


العودة إلى بصراحـــة

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 3 زائر/زوار

cron