• اخر المشاركات

ذكريات وتاريخ المتن

تاريخنا المضيء للأجيال القادمة

المشرف: فادي عبود فهوم

ذكريات وتاريخ المتن

مشاركةبواسطة إدارة الموقع في السبت أكتوبر 08, 2005 3:37 am

إلى السادة أبناء المتن الكرام :

تملك المتن إرث تاريخي عظيم ممتد على فترات طويلة و حقب غنية حيث حدثت تحولات كثيرة و تطورات عديدة لذلك خصصنا هذه المساحة لاستقبال مشاركاتكم و صوركم التي ترسم هذا التاريخ المشرق

هناك أحداث كثيرة و شخصيات عديدة تركت أثر على تاريخ قريتنا و من الصعب أن نتركها تندثر مع السنين , لذلك كانت هذه الفكرة لجمع ما يمكن جمعه من أحداث مؤثرة و حكايا الختيارية و مآثر أهل و أجداد المتن

يمكن المشاركة ببساطة بإرسال موضوعاتكم مباشرة عبر هذا المنتدى أو بإرسالها عبر الإيميل

info@almaten.com
كما يسرنا استقبال أي صور قديمة على نفس الإيميل

نرجو من الجميع المشاركة لكي نؤلف موسوعة تاريخية غنية تحفظ للأجيال القادمة و تحافظ على قيمنا و تاريخنا العريق

ملاحظة: يمكن النشر بدون ذكر إسم المرسل كما يمكن الرد على كل المواضيع في المنتدى
المتن دوت كوم: تاريخنا المضيء للأجيال القادمة.................
إن أي رأي أو موضوع ينشر في هذا المنتدى يعبر عن رأي صاحبه فقط , و الإدارة مسؤولة فقط عما ينشر باسم إدارة الموقع .

صورة
صورة العضو
إدارة الموقع
مشرف عام
مشرف عام
 
مشاركات: 306
اشترك في: الثلاثاء مايو 10, 2005 9:51 am

مشاركةبواسطة زائر في السبت أكتوبر 08, 2005 7:00 pm

شكر إلى فريق تطوير الموقع

وفقرة الذكريات كتير فكرة حلوة
زائر
 

مشاركةبواسطة متن في الثلاثاء أكتوبر 11, 2005 12:02 pm

شكرا إلى أصحاب هذه الفكرة الجميلة عنجد شي رائع



نحن عندنا عادات و تقاليد رائعة لا يجب أن تنمحي مع السنين



و بعد سنين و بس يختفي الجيل القديم مين بدو يحافظ ع تقاليدنا؟



أمثلة بسيطة: سبت النور و مدلولاته , الاحتفال بعيد الصليب و حط الملح لمعرفة الطقس, مع كتير شغلات غيرها لازم نحافظ عليها مكتوبة لولادنا , لإنو جيل الموبيل و الدش بدو ينسايا



و أنا بدعي الكل للكتابة و متل ما مكتوب بالموضوع نسأل الختيارية و نكتب القصص و نحفظا



و كل الأعضاء مدعوين و نشيطين و منطلب من الكبار بالعمر و بسبب تجربتون إنو يكتبو و لا يخجلو كمان شباب المتن شاركو كلكون و أنا أكترشي متأمل من الأنسة نادين كونها أنسة محترمة و بنت أصل و بتفهم شو يعني تقاليد و عادات إنوتكتبلنا تفاصيل عن عادات و تقاليدنا المتنية الصلية



شكر للكل و موفقين
متن
 

مشاركةبواسطة nadinedebhe في الأربعاء أكتوبر 12, 2005 9:49 am

تحية للجميع

تحة للسيد متني اصيل

بحب اول شي عبر عن اعجابي بالاسم اللي داخل فيه على الموقع

هالاسم بخليك تحس بعظمة وغبطة لكونك من المتن وبخليني احترمك لكونك معتز (بمتنيتك ).

وتاني شي بشكرك كتير على رايك فيني وانشاء الله اقدر انا وغيري من الشباب والصبايا

نكتب تاريخ وحضارة قريتنا وعاداتنا وتقاليدنا الحلوة واللي مهما سافرنا وتغربنا بضل ببالنا وبتخلي كتيرين يحنوا للضيعة ويرجعولها واللي دايما بتخلينا نحس انو نحنا مميزين عن باقي القرى والمناطق التانية .

واكبر مثال على عاداتنا وتقاليدنا هي لهفتنا على بعضنا بالاحزان والشدائد وتماسكنا

وما حدا يقول انو ما في محبة بالعكس الانسان بينعرف اصله واللي بيداخلوا من لهفته على جارو او اخوه او صاحبوا بوقت الشدة .

اللهفة والمحبة هي اهم تراث تعتز وتفتخر فيه متن الساحل واللي كان موجود من مئات السنين وبراي مازال حتى الان ويا رب نقدر نحافظ عليه ونطوره .

هادا اول تراث او عادة حلوة حبيت احكي عنها انشاء الله بالتعليقات الجاية رح نكتب

عن عاداتنا الحلوة الاخرى متل ما ذكرت حضرتك سبت النور وكتير اشياء غيرها

حسب ما بتذكرها من المرحوم جدي (ابو عفيف ) الله يرحموا كان عندوا قصص كتير حلوة وحرام

تندثر وتفنى مع وفاته ومع وفاة كتيرين من رجال وكبارية الضيعة

وانا بدعي الكل للمشاركة

بشكرك من جديد

محبتي واحترامي للجميع

بالتوفيق انشاء الله
nadinedebhe
 


العودة إلى ذكريات المتن

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 1 زائر

cron