• اخر المشاركات

اشتقتلكووووووووووووووووووووووووا كتيررررررررر

ترحيب , تهنئة و تعارف

المشرف: إدارة الموقع

اشتقتلكووووووووووووووووووووووووا كتيررررررررر

مشاركةبواسطة جورج وسوف في الثلاثاء أكتوبر 24, 2006 9:19 pm

كيفكون ... شو اخباركون ... والله اشتقتلكوا كتير واخيرا عدنا اليكم بعد رحلة العمرة الى الديار المقدسة , طبعا اجمل رحلة بحياتي كتير كانت ممتعة , ورجعت وانا احمل شوق كبير الكوا جميعا .. رحلة كتيررررررر ممتعة ورائعة جدا .. طبعا شوفيرنا سوري من ادلب اسمه وليد محمد احمد درة , الله يعطيه الف عافية طويل بال وماشالله من الاردن للسعودية على دعسة واحدة مسافة 1800 كيلو ما قال اخ ,., اللي بيعرفوا وبيقدر يوصلوا يسلم عليه كتير ....
طبعا اكتر الرحلات الاردنية طلعت بحافلات سورية مع سائقين سوريين...
.. وصلت الاردن والحمدلله بيوم 30 رمضان الساعة 12 الضهر ووصلت مشتاق , الحمدلله ادينا العمرة وعملت عمرة تانية كمان عن شخص متوفي وانشالله تقبلها ربنا سبحانه وتعالى , وبصراحة اجمل رحلة كانت رحلة العمرة كتير انبسطت وقضيتها اطوف حول الكعبة يعني اجمل عبادة الطواف بتحس بطمأنينة ودعيت لكل انسان بعرفه يعني اكيد وصلكوا جميعا الدعوات, منظر جدا رائع لما تشوف العباد بطوفوا وبسعوا بين الصفا والمروة وبقوموا الليل , مو بس هيك بليلة 27 رمضان حكولنا الامن السعودي انوا عدد المعتمرين كان 7 ملايين - يعني الحرم المكي احتضن 7 ملايين مسلم - وبليلة 28 اللي شفتهم بالحرم اكثر من 7 ملايين
يعني وانا مروح من الحرم كنت اشوف وراي عبارة عن نمل وبمشي بالشوارع ..
واكلنا هوا عالطريق واحنا مروحين لما قربنا على حدود السعودية حوالي 150 كيلوا خرب الباص ومشان تكمل اكثر خرب بمنطقة مقطوعة يعني لا ضو ولا انارة شوارع طافية يعني ازا بضيع سوداني ما ببين غير لما يضحك
نزلنا من الباص طبعا عطل الباص كان كسر بالبرغي اللي بيمسك الريش
اتصلنا بدورية شرطة خلال 5 دقايق كانوا عنا وشعلوا الضو وضلينا ساعتين نصلح ( نصلح اللي بسمع بقولك انوا انا اللي صلحتوا لحالي ) يعني قصدي الشباب يصلحوا مع الشوفير , والجميع نزل من الباص على جنب الطريق على الرمل قعدنا وولعنا نار وكمية كبيرة من النار ولقينا جمل شارد والشبيبة كانوا بدهم يلحقوه يجيبوه يشووه حكينا ما هو النار جاهزة خلينا نتسحر عليه
بس ما قدرنا نلحقة والحمدلله زبطت امور الباص وضلينا على دعسة واحدة للأردن
بس عنجد رحلة كانت من اجمل رحلات حياتي الحلو فيها المشقة يعني انت بتقطع مسافة 1800 كم -
بس بتعرفوا والله عنجد مثل الحلم - يعني ضلت بذاكرتي وضليت عم برسم فيها بمخيلتي لحد ما نزلنا من الباص صارت مثل حلم من الماضي طوينا صفحته وحطيناه بكتاب الذكريات .. بعد ما وصلت كتبت مذكرات الرحلة من لما طلعنا لحد ما روحنا ...


كل عام وانتوا بخير وانشالله يطعمها للجميع ...
وتقبل الله من الجميع الطاعات وصالح الاعمال ...
اخوكم ابو وديع

أبو وديع
صورة العضو
جورج وسوف
عضو ذهبي
عضو ذهبي
 
مشاركات: 135
اشترك في: الخميس يناير 12, 2006 1:48 am
مكان: الأردن

العودة إلى منتدى الأعضاء و المشرفين

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 2 زائر/زوار

cron