• اخر المشاركات

استبداد الاهل .... يحق أو لا يحق ؟؟

مواضيع حياتية للنقاش الجاد و الصريح

المشرفون: noooooooooooor, Dr Rabie

استبداد الاهل .... يحق أو لا يحق ؟؟

مشاركةبواسطة king77 في السبت مايو 12, 2007 8:09 pm

يعتقد الكثير من الابناء وخاصة المراهقين منهم ان اهلهم عندما يسدون إليهم نصيحةما...او يبعدوهم عن عمل ما كانو ايودون القيام به.. او يمنعوهم عن مرافقة احدهم لانه غير حسن السيرة .. انما هم يفرضون سيطرتهم عليهم وهم بنظر ابنائهم مستبدون ظالمون...غير حضاريين ..يمتلكوت تفكيرا اكل الدهر عليه وشرب ..

براييكم ::

هل يحق للاهل التدخل في حياة ابنائهم؟؟؟
هل يحق للاهل منع ابنائهم عن رفاق السوء ؟؟
هل يجوز للاهل التفكير مع ابنائهم لتصوير مستقبلهم ..؟؟
ما هي الصورة المثالية التي يجب ان يتصف بها الاهل لتناسب حياة اولادهم ؟؟؟
ما دور الاهل في وصول ابنائهم الى هذه المرحلة من التفكير بانهم مستبدون ؟؟

ارجو النقاش الجاد في الموضوع وعرض الافكار الحقيقية حوله لكل من يود الاجابة
اي من واقع تفكير الشباب وليس المثاليات
منقول
king77
مشرف
مشرف
 
مشاركات: 374
اشترك في: الخميس ديسمبر 28, 2006 2:42 pm

مشاركةبواسطة nourma_fahoom في الاثنين مايو 14, 2007 2:50 pm

طبعا رح يكون يا اخ كينغ الجواب فورا رح يطلع مع الكل اكيد يحق للاهل التدخل بحياة اولادهم ولكن تسمية التدخل استبداد هيدا غلط كبير بحق الاهل يدخلو بحياة ولادن طبعا بدون شك لانهم عندون خبرة بالحياة اكتر وما في اهل بالعالم الا ما بيعرفو مصلحة ولادن اكتر من الاولاد نفسون ولا تنسى اخ كينغ انو الرفاق بيأثرو على بعضون بشي منيح وبشي مو منيح وهون المشكلة من الضروري يكونو الاهل عا اطلاع دايم على امور ولادن

هل يجوز للاهل التفكير مع ابنائهم لتصوير مستقبلهم ..

اكيد بيجوز للاهل بيفكرو مع ولادن بتصوير مستقبلهم طبعا بمعنى طرح الراي الغاية تقديم النصائح لولادن مع تميح انو القرار النهائي للولد لاثبات شخصيته
ما هي الصورة المثالية التي يجب ان يتصف بها الاهل لتناسب حياة اولادهم ؟؟؟

طبعا الصورة رح تكون براقة تلمع فيها ميزة الوعي بعيدة عن صفة التسلط يعني يطبق المثل اذا كبر ولدك خاويه طبعا رح تكون هون الولاد بمرحلة الوعي وتكوين الشخصية


ما دور الاهل في وصول ابنائهم الى هذه المرحلة من التفكير بانهم مستبدون ؟؟

طبعا اسلوب التعامل هو يلي بحدد الشخصية للولد متل ما قلت قبل لازم تكون علاقة الاهل مع ولادن علاقة رفقة لحتى يكونوا عا اطلاع غير مباشر على امور ولادن وقت بيطلب الامر تقديم النصيحة يكون الابن عندو قبول لحديث الاهل ما بتم نجاح هالفكرة الا بالمعاملة الودية مع الابناء بعيدة عن التسلط

ما بعرف اذا كان حديثي من تفكير شباب شو رايك اخ كينغ

عنجد موضوع حلو يا جماعة يا ريد تكون فيه منقاشات جادة بالموضوع لانو جيلنا منفتخر فيه ولكن يا اعزائي عنا اجيال طالعة بتحزن ما بتعرف شو عليها وشو الها للاسف هيك اي نوع من النقاش مع الاهل يحكموا طبعا الاولاد انو هو نوع من الاستبداد وبيستنكروا المناقشة والحديث
GOd Is Love

صورة
صورة العضو
nourma_fahoom
مشرف
مشرف
 
مشاركات: 1678
اشترك في: الجمعة سبتمبر 16, 2005 7:37 pm

مشاركةبواسطة king77 في الاثنين مايو 14, 2007 7:00 pm

نورما ودائما نورما انا كتيير بشكرك أخت نورما انا معك انه للأهل الحق بالتدخل في حياة اولادهم وانا معك انهم ممكن يكون عندهم خبرة اكتر من الولد وانه مافي اهل الا وبيهمهم مصلحة ابنائهم بس عزيزتي نورما انا بدي اسألك يا ترى الفارق العمري بين الأهل وابنائهم واختلاف الزمن بين اليوم والماضي اي الأختلاف بالتفكير ما الو اي اهمية
يعني حلو الاهل ينصحو ابنائهم ويوجهوهم بس الماحلو انهم يطبقو نظريات كانت سائدة من عشرين سنة او من 30سنة بيقلو الأب لأبنو بأيامنا كان هيك وهيك والبابا ما بيقدر انه زمنه غير زمنا وايامه غير ايامن وياترا وقت الأه بيدخلو بحياة ابنهم او بنتن وبيفرضو عليها شي هيي ما مقتنعا فيه ويمكن يكون شي اساسي بحياتها وبتصيير هيي ما الها رأي فيه هيدا شو بتسميه
كم من الشباب والشابات اخدو البكالوريا ودخلو فروع ما بتناسبهم بس لأنه اهلون هيك بدهون ومه انه هالفرع خارج اهتمامات الولد هيدا شو بتسميه
انا بتمنى تجاوبيني عهالأمثلة البسيطة وفي امثلة كتييرة عنفس الوزن ويمكن اتأل
ياترى بهالحالة بيكون استبداد ولا لأ
يمكن تأليلي هالحالات نادرة وانا بجاوبك انه هالحالات موجودة وموجودةبكترة بس يمكن ماعم نشوفها وماعم نسمع فيها واذا كانت عم بتقل فهي عم بتقل بالجيل الجديد اللي عمبيطبق فكرة انه لازم يخاوي ابنه او بنته بطريقة صحيحة هيدا رايي الشخصي وانا بحترو رايك وراي اي انسان وانا ناطر ردك عاللي كتبته
مع تحياتي
king77
مشرف
مشرف
 
مشاركات: 374
اشترك في: الخميس ديسمبر 28, 2006 2:42 pm

مشاركةبواسطة زينة شبلي عرنوق في الثلاثاء مايو 15, 2007 8:03 am

يسعد صباحكم بالخير :

شكرا لصاحب الموضوع King 77 وطرحك لهذا الموضوع الآن وبأيمنا هذا يحمل الكثير من المعاني وتحية إلى صديقتي الغالية التي تجعل القارئ يتلهف دائما لمتابعة ما تكتب موفقة صديقتي دايما

رأي بهذا الموضوع بسيط وبإختصار كل هذه الأسئلة التي تفضلت بها جداً مهمة وخاصة بهذه الأيام أيام التربية الحديثة .
انا برأي كل هذه الاسئلة ترجع إلى شي واحد هو التربية فعندما ينشأ هذا الابن بجو من التفاهم والحرية والصراحة التامة مع الأهل وبنفس الوقت الإحترام أخذ النصيحة على انها الشي الثمين الذي نتمسك به لانه نتيجه خبرة الأهل بالحياة ولانهم مثله الأول بالحياة ولكن متى يصبح الخلل في العلاقة بين الأهل والإبن عندما يجد هذا الإبن ان الأهل يتكلمون فقط بالمثاليات وهم بعيدون عنها ولا يطبقونها في حياتهم الا عليه عندها يصبح الشرخ كبير بين الابن والأهل ولا يستطيع عندها الابن الثقة برأي الاهل لهذا التربية شي جداً مهم ويجب على الاهل الحرص على الجو العائلي في البيت والثقة المتبادلة بينهم .

اما عن الاسئلة :هل يحق للاهل التدخل في حياة ابنائهم؟؟؟

طبعا من حق الأهل التدخل بحياتهم لان واجبهم تجاه ابنائهم يحتم عليهم التدخل ولكن إلى اي درجة وكيف الأسلوب لهذا التدخل صدقوني كله مرجوعه غلى التربية وكيف ترعرع هذا الابن وكيف صقل الأهل شخصيته فعندما مثلا يكون الاهل واثقين من تربيتهم لهذا الابن وقدموا له النصح والارشاد وادرك ما هو الصح وما هو الغلط ويعلمونه امور الحياة ويدعوه ينطلق بها لأثبات الذات فعندما يجدون ان انحرف عن الخط الذي يجب عليه السير فيه عليهم التدخل عندها بالاسلوب المناسب لان الإبن في نظرهم يبقى صغيراً حتى لو كبر بالعمر .

هل يحق للاهل منع ابنائهم عن رفاق السوء ؟؟

نعم يحق لهم ولكن كيف ؟ يجب وقتها ان يجدوا الطريقة المناسبة ويجعلو الابن يرى ان هؤلاء سيؤثرون على حياتك سلباً وانك غيرهم يجب ان تعطى الثقة للأبناء وكل هذا نرجع به كيف تربى هذا الابن وكيف نشأ صدقوني والبيئة والجو الاسري الذي عاش به .

هل يجوز للاهل التفكير مع ابنائهم لتصوير مستقبلهم ..؟؟

يجوز للأهل التفكير والمشاركة في مستقبل اولادهم ولكن هنا يجب التفكير ايضاً ان الاهل يضعون الكثير من الاحلام ويمكن هذه الاحلام لا تنطبق مع الأبناء عندها يجب مراعاة هذه النقطة مثلا انا اريد ابني ان يصبح دكتور لماذا ؟ لا ادري انا هيك خططت له وهذا الإبن لديه وجهة نظر تانية هنا يجب على الاهل التفهم لما يفضل الابن وما هو الفرع الذي يفضله لان عندما يختار الفرع الذي يناسبة سينجح به على عكس عندما يفرض عليه فرع معين ويفشل به فقط ارضاء للاهل .
ما هي الصورة المثالية التي يجب ان يتصف بها الاهل لتناسب حياة اولادهم ؟؟؟
الصورة المثالية ان يكونوا واضحين بحياتهم واسلوبهم مع الناس والمجتمع وتعاملهم بصدق وشفافية عند ابداء الرأي عندها يحس الابن بهذا كله ويثق بهم اكثر واكثر .

ما دور الاهل في وصول ابنائهم الى هذه المرحلة من التفكير بانهم مستبدون ؟؟

دور الأهل هنا يجب ان لا يجعلو ابنائهم يصلون إلى هذه المرحلة من الإحساس لانه عندها يموت الحوار وينقطع التواصل بين الأهل والأبن .
على الأقل الحوار والنقاش لانه فعلا الابن في فترات معينة من عمره لا تستطيع الا الحوار والحوار والنقاش لتصل معه الى راي معين يكون مرضي ومقنع للطرفين وكان الله بعون الاهل عندها إذا كان الابن غير قادر على هذا كله .

بالنهاية فعلا الحياة تغيرت والمفاهيم تغيرت وكان الله بعون الجميع وانشالله يمد بالصحة والعافية الأهل ليكملوا دورهم بالحياة لانه دور مش سهل بيومنا وانا اقول لهم كونوا انتم ولا تشبهوا انفسكم بهذا او ذاك لكي لا يضيع الاولاد ، احرصوا على ان تبقى الثقة متبادلة والحوار موجود مهما كانت الظروف سلامي وتحياتي لكم جميعاً .
زينة شبلي عرنوق
عضو ذهبي
عضو ذهبي
 
مشاركات: 110
اشترك في: الاثنين يناير 24, 2005 2:13 pm
مكان: الكويت

مشاركةبواسطة king77 في الثلاثاء مايو 15, 2007 9:19 pm

شكرا أخت زينة عمرورك عالموضوع وانا معك بالكلام اللي كتبتيه :
وبنفس الوقت الإحترام أخذ النصيحة على انها الشي الثمين الذي نتمسك به لانه نتيجه خبرة الأهل بالحياة ولانهم مثله الأول بالحياة ولكن متى يصبح الخلل في العلاقة بين الأهل والإبن عندما يجد هذا الإبن ان الأهل يتكلمون فقط بالمثاليات وهم بعيدون عنها ولا يطبقونها في حياتهم الا عليه عندها يصبح الشرخ كبير بين الابن والأهل ولا يستطيع عندها الابن الثقة برأي الاهل لهذا التربية شي جداً مهم ويجب على الاهل الحرص على الجو العائلي في البيت والثقة المتبادلة بينهم .
بس انا برأيي انه رأي الأهل لازم ان يكون على شكل نصيحة ممكن ان نأخذ بها وممكن لا فبالنقاش بين الأهل والأولاد ممكن ان يتم كل شيء اما ان يكون للأهل صفة الأمر او لزوم التطبيق اي كن فيكون فهنا اعتقد ان هذا خطأوخطأفادح اما بالنسبة للشق الثاني من كلامك فأنا معك تماما لأن فاقد الشيء لا يعطيه
هذا رأيي ويبقى رأي شخصي وانا بكلامي لا اقلل من قيمة اهلنا الذين تعبو وربو ولا اقلل من قيمة خبرتهم وتجربتهم بالحياة ولا بأهمية ارائهم ونظرتهم للحياة ولكن ليعش كل منا زمنه و تجربته وليستفد من تجارب الآخرين ولكن لتكن له الخصوصية بالتجربة
مع تحياتي
king77
مشرف
مشرف
 
مشاركات: 374
اشترك في: الخميس ديسمبر 28, 2006 2:42 pm

مشاركةبواسطة nourma_fahoom في الأربعاء مايو 16, 2007 11:06 am

عزيزي كينغ انا قصدت بتدخل الاهل بحياة ولادن بقصد الارشاد والتوجيه يعني تأسيس متين من الوعي وبعد هالمرحلة اكيد بتوجهوالاولاد بدافع هالركائز مع اخذ بعين الاعتبار التفكير يلي بناسب زمنهم بس الاساس يعني من الاهل لا غنى عنهم هيدا بالنسبة لامور بتتعلق بالفوارق الفكرية بين الجيلين مع انو دايما طباع الابناء من طباع الاهل يعني فوارق بسيطة بس اكيد بيستوعبها الاهل لانهم بحسو فيها كل جيل الو زمنه

اكيد ما رح يطبقو نظريات يلي كانت من عشرين سنة لانه رح يكون الاهل واثقين ما رح يكون فيه تقبل من الاولاد الحياة تغيرت وعاشو هالتغير وتأقلموا معو أكيد ما نفذوه بس شاهدين عليه بيجوز ما يتقبلو شغلات بس لاتنسى منسمع جمل كتيرة يعني بمعنى هيك الدني متل بقولو والله ما كنا هيك والله هالجيل غير وجمل كتيرة بس مع تقبل غير مباشر للواقع هيدي نقطة بتأكد حسبان الاهل للفوارق الفكرية يلي بين الجيلين متل وقت كانو اهلنا طلاب مدارس كانت المدارس مدارس للبنات حصرا ومدارس لصبيان حصرا كبرو هالطلاب وصارو اهل تغير الوضع وصارت المدارس مخطلطة واصبح واقع وعادي كمان تقبلو هالتغير وتأقلمو مع هالواقع من هالوقائع رح يحسبو الفوارق الفكرية

بالنسبة لفرض الراي هيدا شي محصور ببيوت انو الاب بيفرض راي هيدا شي خاص ببيوت مو عام بالعكس صار حرية ونقاش بين الاهل والابناء

بالنسبة لتحديد المصير وفرض الاهل رايون بهالموضوع انت بهالنقطة ما قدمت امثلة بل وقائع وشاهدين كتير ناس عليها هيدا الدافع من الاهل بيريدو ولادن يكونو احسن شي ويا ما في طلاب دخلو فروع بالجامعات بناء عن ضغط الاهل وكانو ناجحين بالجامعة وحصلو عى الشهادة الجامعية يعني ناجحين بالنظري وفاشلين بالتطبيق العملي يعني بالحياة المهنية هيدي النقطة انتبهت عليها وحكيت بردي السابق بيجوز للاهل يفكرو مع ولادن بتصوير مستقبلهم طبعا بمعنى طرح الراي الغاية تقديم النصائح لولادن مع تمليح انو القرار النهائي للولد لاثبات شخصيته انا قصدت انو الولد نفسه يعلن لأهلو شو ميلو اهتماتو هي يلي بتحدد قدرة استيعابو لاي فرع حتى يكون ناجح مع انو انت وصديقتي زينة كلامكون كان وافي للفكرة



تحياتي
GOd Is Love

صورة
صورة العضو
nourma_fahoom
مشرف
مشرف
 
مشاركات: 1678
اشترك في: الجمعة سبتمبر 16, 2005 7:37 pm


العودة إلى بصراحـــة

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 8 زائر/زوار

cron