• اخر المشاركات

دوّر على حماتك قبل خطيبتك

مواضيع حياتية للنقاش الجاد و الصريح

المشرفون: noooooooooooor, Dr Rabie

دوّر على حماتك قبل خطيبتك

مشاركةبواسطة Eng. Raghed Fahoom في الجمعة ديسمبر 10, 2004 5:27 pm

كلنا منعرف إنو الزواج من سنة الكون وإنو قسمة ونصيب -متل ما بيقولو- ولكن قبل الزواج في مرحلة خطيرة وهي مرحلة الخطوبة وأخطر شي فيها هي أم الخطيبة (الحماية) لأنها سبب 90% من مشاكل تعقيد سير الأمور,لذلك على الشاب الخاطب إنو يكون مسيطر عالوضع تمام...

في كتير من الحالات الواحد بفكرها بسيطة بس هي يالطيف......

مثلاً بتكون إنت عم تجهز بيتك وتعبان وهلكان فيه, بتقلك "خدني وفرجيني عليه بركي بساعدك" أوعى تاخدها لإنو بدها تسويلك بيتك على كيفها(ليش الحيطان لونهن أبيض فاتح سويهن أيض غامق, ليش مسكات الأبواب لونهن دهب سويهن برونز, ليش البرادي موديلهن كذا سويهن كذا, شيل طقم الكنبايات من هون حط هادا بدالو, وهيك هيك حتى تكره بيتك لإنو على ذوق حماتك

مثلاً بتقلك إنت معزوم بكرا عالغدا شو بتحب تاكل؟؟

إنت بتقول يالطيف شو بتحبني حماتي.....

بتضّل تعجز فيك حتى تقنعك بأكلة هي مشتهيتها –ما هون القصة- القصة إنك بدك تجبلها لوازم الطبخة ( أنا ماعندي غير لحم خاروف ما طيب إلا بلحم العجل, والله خلص من عندنا الرز بركي بتجبلنا شي شوال مشان العزيمة الجاية, أنا كان بودي إنو سويلك المحشي بإيدي بس ما بيغلى عليك اليوم عزلت البيت بركي بتاخدون بتسويهن بالسوق) –فعلاً حماتك بتحبك.....

في حركات بتخليها تتفجر مثلاً بتكون إنت وخطيبتك بتجي وبتقعد فوق راسكم, إنو خليكي قاعدة بعيد لاء ما بيصير , إنت شو بتسوي بتصير تحكي بصوت واطي حتى تقهرها, بتبلش تشعل النار فيها... بدا تعرف عنشو عم تحكو وعلى شو عم تضحكو - أكيد عليها .... بتصير بدها تحشر حالها وبعبارات بايخة ومكشوفة "ضحكونا معكن هاهاها..كيفن أهلك ياابني ليش ما جبتن معك..."

وأهم شي لاتزعل خطيبتك وراضيها وطول بالك عليها لأنك بس زعلتها ومهما تكون عامل و مسوي بيروح وبيطير قدام حماتك( هادا واحد ماكويس, هادا واحد داخل على مصلحة, هادا عم يضحك عليكي شفتي كيف باس إيد أمو شفتي كيف جبلها هدية بعيد الأم, معقولة بيتك اللي بدك تعيشي فيه ما سجلو بإسمك, شفتي كيف كرمال لإنو قلتيلو جبلي سيارة كيف زعلك مستخسر فيكي شقفة سيارة وشفتي وشفتي..... وبتصير تزن براس البنت ...

فوق ما ساعدتو بديكور بيتو, وفوق كل العزايم والولايم, شو بدك يا بنتي فيه أنا بعرف مصلحتك أكتر منك..... بكرا بيجيكي واحد أحسن منو...

أنا برأيي إنك كل فترة تضحك عليها بشي هدية, وأهم شي تنفشها قدام الناس ( لحماتك طبعا ً)لإنو المسالة هون هي مسالة :

(to be or not to be) بتصير روبوت والريموت كونترول بإيدك

وبالتوفيق انشالله .............





وألف مبروك لكل العرسان ..... :wink:
إذا بلغت القمة فوجه نظرك إلى السفح لترى من عاونك في الصعود إليها وانظر إلى السماء ليثبت الله أقدامك عليها...
^^*^^
وإذا أصيب القوم في أخلاقهم ,,, فأقم عليهم مأتماً وعويلا ....
^^*^^
My WebSite
http://www.raghed.com
^^*^^
صورة العضو
Eng. Raghed Fahoom
Webmaster
Webmaster
 
مشاركات: 1034
اشترك في: الأحد ديسمبر 05, 2004 3:07 am

معك حق

مشاركةبواسطة abou 3isa في الجمعة مارس 11, 2005 4:24 pm

معك حق منيح الي بتعرف هيك انتهو يا شباب من الحموات ادا ما كانو بدن يخلصو من بنتن بسرعةوالله يكون بالعون
abou 3isa
عضو ذهبي
عضو ذهبي
 
مشاركات: 115
اشترك في: الخميس مارس 10, 2005 3:36 pm

مشاركةبواسطة ice bouda في الخميس مارس 24, 2005 12:43 am

والله يا رغد يلي ايدو بالنار مو متل يلي ابدو بالمي

يعني لي وقع وقع ويلي هرب هرب

وينك يا اخي من زمان تعى احكي هل حكي من قبل على القيللي الواحد ما كان جرب او اذا بدو يجرب كان فنجر عيون وفات وهو مستذئب يا أخي فتنا زلم وعلينا لحم طلعنا ارانب ما علينا غير العضم

انا معك يا رغد

ودمتم




ICY
Everyone saw the beauty. No one saw the pain



Ice Bouda
صورة العضو
ice bouda
عضو فضي
عضو فضي
 
مشاركات: 56
اشترك في: الاثنين فبراير 14, 2005 4:52 pm
مكان: Syr. Tartous

مشاركةبواسطة Eng. Raghed Fahoom في السبت مارس 26, 2005 1:46 am

يا عزيزي ice bouda أنا بعرف إنو اللي وقع وقع ...



بس أنا قصدي عالشباب اللي لسا ماعلقوا .... لازم ينتبهوا كتير ....



وللا شو رأيكن ؟؟؟؟؟؟؟؟ :?:







سعيدة .... :wink:
إذا بلغت القمة فوجه نظرك إلى السفح لترى من عاونك في الصعود إليها وانظر إلى السماء ليثبت الله أقدامك عليها...
^^*^^
وإذا أصيب القوم في أخلاقهم ,,, فأقم عليهم مأتماً وعويلا ....
^^*^^
My WebSite
http://www.raghed.com
^^*^^
صورة العضو
Eng. Raghed Fahoom
Webmaster
Webmaster
 
مشاركات: 1034
اشترك في: الأحد ديسمبر 05, 2004 3:07 am

مشاركةبواسطة ice bouda في الأحد مارس 27, 2005 10:34 pm

والله معك حق يا رغد

ICY
Everyone saw the beauty. No one saw the pain



Ice Bouda
صورة العضو
ice bouda
عضو فضي
عضو فضي
 
مشاركات: 56
اشترك في: الاثنين فبراير 14, 2005 4:52 pm
مكان: Syr. Tartous


العودة إلى بصراحـــة

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 8 زائر/زوار

cron