• اخر المشاركات

الموضوع رقم 20002 "قرفنا"

مواضيع حياتية للنقاش الجاد و الصريح

المشرفون: noooooooooooor, Dr Rabie

الموضوع رقم 20002 "قرفنا"

مشاركةبواسطة Eiad Mashhara في الخميس ديسمبر 13, 2007 4:26 am

هل الموضوع هوه تابع لموضوع "أنا بكره الفلافل"
قرفنا كلنا قرفنا و من كلشي قرفنا و من حالنا قرفنا ... من السرقة و من الفساد من الزحمة و الضجيج من التلوث و من الامراض من العجز و من الاحباط ...
و الغريب انو في عالم لسا ما تعبت بس لا تخافو عليهون لانون ليكون بالتحقيق هني ... عم يحققو معون لانون لسا عندون أمل و لساهون عم يشتغلو ...
أثلة الخطيب بتشتغل بهيئة الرقابة و التفتيش كشفت عمليات تخليص جمركي وهمية يعني ما كان لا عم يصير تخليص جمركي و لا شي كانو عم يمرقو الشباب و لا حدا عم يقلون على وين ...
بس وينك رايحة يا أنسة أثلة شو مفكرة انو اذا عم تشتغلي نظامي ما في اسمو قرار ... القرار بيلغي كل القوانين و خصوصا اذا القرار جايي من مكتب رئاسة الوزراء ...
هلأ اذا ما حدا فهم عن شو عم نحكي فا بامكانكون تزورو موقع سيريا نيوز و تعرفو شو صاير
وصراحة انا كنت بدي نزل المقالة بموقع المتن نفسها يلي نازلة بسيرا نيوز بس ما لقيت بالمنتدى شي قسم اسمو "قرف" حتى نزل فيه المقالة و تكون ماشية مع موضوع القسم
و انا ماعم قول قرفنا لاني انا لحالي يلي قرفت و عم اعمول انو كل الناس قرفت لان بامكانكون تشوفو الردود على المقالة بموقع سيريا نيوز و تشوفو انو العالم قرفانة لدرجة انو في منون استفرغو على شاشة الكمبيوتر و عبو الدني ....
لذلك يا اخواتي و اخواني انا مو بس كرهان الفلافل لا بس صرت بدي اكره كل واحد لساه حابب الفلافل
.........
Eiad Mashhara
مشرف
مشرف
 
مشاركات: 120
اشترك في: الأربعاء مايو 10, 2006 12:46 am
مكان: Syria, Tartus, Maten Al-sahel

مشاركةبواسطة وائل في الجمعة ديسمبر 14, 2007 3:07 pm


محاربة الفساد .... :D :D :D :D :D
مين بدو يحارب مين ؟؟؟؟؟؟ :D :D :D
حبيبي الأخوة ما بيتحاربوا .. بيزعلوا من بعض شوي بس ما بيتحاربوا :shock: :shock:

أخي إ‘ياد عطفا على موضوع الفلافل السابق .. بتعرف انو الفلافل عنا مخلوطة خبز يابس مطحون و ما هي حمص مية بالمية
يعني حتى الفلافل اللي بدهم يعشقونا ياه و يكون الحب الوحيد للشعب.. طلع فاسد و مغشوش ....

على فكرة أنا دبرت عسكريتي ب 80000 و لو بدي أقعد بالبيت بيزيد المبلغ لل 200 ألف و كل شي بحقو .. بس أنا وفرت مبلغ 120000 لحتى آكل فيه شاورما لحد ما انهي الخدمة و دبرلي شي عقد بالخليج لأن الفلافل صارت لا تطاق حتى المتة ما عاد تنشرب
وشاء الهوا ...
صورة العضو
وائل
عضو ماسي
عضو ماسي
 
مشاركات: 467
اشترك في: الأحد سبتمبر 03, 2006 9:33 am
مكان: الدمام السعودية -


العودة إلى بصراحـــة

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 8 زائر/زوار

cron