• اخر المشاركات

موضوع عن أختلاف الرأي

مواضيع حياتية للنقاش الجاد و الصريح

المشرفون: noooooooooooor, Dr Rabie

موضوع عن أختلاف الرأي

مشاركةبواسطة yousef في السبت ديسمبر 08, 2007 11:06 pm

صباح الخير يا شباب و با صبايا و يمكن مسا الخير

اليوم بعد ما خلصت شغلي راجع أنا و Mr. administrator JF و طبعا بعد ما أكلنا كشري عبناقش موضوع الزواج التقليدي ؟؟؟؟؟

فأكتشف صديقي العزيز JF إني رح أتزوج زواج تقليدي و أني مقتنع بهاي الفكرة فسأليني ليش فردي ألو على الشكل التالي :

أنا كنت عمبدرس بسوريا بأحدى المراكز الدراسية فتعرفت على بنت كتير كتير كتير حلوى و ألبها طيب و كمان مأدبة

فطبعا أعجبت بالبنت بشكل كبير و وجهة حياتي كلها لعندها و بعد الفصل الأول حبينا بعض لدرجة أنو كنت مستعد أتأدم لأهلها طبعا ما كنت مستعد ماديا بس كنت مستعد أخسر حياتي عشانها.

و مرو سنتين من الحب و كنا عبنرسم لمخطط الزواج .

فكان ضمن المخطط أنو سافر و أرجع بعد سنة أخطبها رسميا و بعدها بسنتين نتزوج.

فحجزت على الطيران السورية و سافرت و بعدها كنا نحكي بشكل متواصل يعني أكتر من ما أحكي مع مديري أو يلي كان مديري يلي مكتبو مقابل مكتبي .

و قبل شهرين من الإجازة بلشت تخف أخبارها و حتى صار معظم الأحيان موبايلها مطفي ؟؟

و نزلت على سورية كمان بطيران السورية و بس وصلت على البيت ألي أخي نعيما يلي كانت بدها تكون خطيبتك تزوجت من شهر

فتدايئت كتير و قررت ما ضيع كمان 3 سنين من عمري عشان و حدة تكون عاملة حالها بتحبني و بس يجيها فارس الأحلام بتقلك ودعت المونديال روح كول فلافل و نام .

طبعا أنا ما لمتها للبنت لأنها أختارت طريق حياتها بس يلي دايئني أنو بعد سنة عبتحاول تخبرني أنها رح تطلق و لساتها بتحبني.

طبعا هاد هو السبب يلي خلاني فكر بالزواج التقليدي و طبعا يلي بقصد فيه زواج تقليدي أنو بس شوف وحدة و تعجبني رح روح أطلبها من أهلها بدون ما عيش معها 3 سنين قصة حب .

طبعا هاد الحكي يلي عمبحكي هي رأي الشخصي و يمكن هاد الشي ما يصير مع كل العالم لسا في ناس بتتزوج عن حب بس طلعوا حوليكم كل 100 قصة حب في قصة وحدة ناجحة بس و كل مين بدو يحب يحب مرة وحدة بس مشان يجرب و يعرف الحب أديش صعب .

طبعا أنا ناطر ردودكم غلى هاد الموضوع و خصيصا رد المهندس JF

شكرا

Eng. Yousef
yousef
عضو نشيط
عضو نشيط
 
مشاركات: 19
اشترك في: الأربعاء نوفمبر 21, 2007 7:34 pm

بسيطة

مشاركةبواسطة سامي في السبت ديسمبر 08, 2007 11:25 pm

يا صديقي العزيز بدي قلك شغلة مو كل قصة حب ناجحة طبعا في هيك وفي هيك بس شوف اذا كان كل شخص قادر على التضحية رح يكون أكيد زواج ناجح وفكرة الزواج التقليدي ليست تجربة فاشلة كتير من الزواج التقليدي بنجح على سبيل المثال الوالة والوالد اللي عندي وهي صلون عشرين سنة مع بعض بس من وجهت نظري أنا ما بفضل هذا النوع من الزواج زبدي قلك شغلة العيب مو فيك بس بالفتاة اللي حبيتها يا صديقي فالنصيحتي اللك حب بس لازم تعرف مين الشخص اللي بتحبه بدي منك طلب تعطيني رأيك ب(موضو ع جريئ جدا )
سامي
عضو نشيط
عضو نشيط
 
مشاركات: 8
اشترك في: الأحد نوفمبر 25, 2007 3:20 am
مكان: سوريه

مشاركةبواسطة soso في الخميس ديسمبر 13, 2007 11:12 pm

مرحبا صديق يوسف قصتك مؤثرة وأنا بحييك ع جرأتك أولا وع موقفك الرائع ثانيا بس ياترى كل صابيعك مثل بعضن
أنا ضد الزواج التقليدي كليا (هيدا رأي) مع انو بأغلب الأحيان هو الزواج الناجح
بحييك لطرح هل موضوع لان الموضوع شغلني فترة طويلة وكان كل مانفتح هل موضوع انصدم بآراء وأفكار تحيرني أو بالاحرة تحزني
انو ياترى العالم هيك بيفكروا؟؟؟ ياترى مين الغلط؟؟؟
الموضوع بدو نقاش طويل(طبعا بلا نتائج) المهم
أنا برأي انو الواحد ملازم ييأس من أول تجربة بالعكس لازم يتعلم منها ويجرب مرة وتينتين وتلاتة إلا ما ينجح
بس بكل مرة لازم يحط ببالو انو هوي بدو يعيش ويجرب وما بدو يتعلم من تجارب غيرو لاء هو بدو يجرب ويتعلم من حالو لان هوي كمان بدو يحب ويعيش (ما حدا بيتعلم إلا من كيسو) ما في أحلى من انو الواحد يغلط ويعرف يصلح غلطو والمهم والاهم الواحد ملازم يندم أبدا لان أي غلط رح يكون مفيد(لا يوجد جواب خاطئ بل هو جواب لسؤال أخر) عنا مثلا بتجي البنت لتحب بتكون قاعدة هي و أخواتها أو رفيقاتها و بيبلشو فيها ما تحبي فلان لان فقير اسأليني أنا فلانة حبت فلان وهلئ عايشة بعذاب لان مافيها تتزوجو
وما تحبي فلان لان من غير دين او مو متعلم او لسا ما امن حالو أو مابيناسبنا اجتماعيا او... فلان عملت هيك وهلئ عم تبكي دم
طيب ليش هيك ليش مامنخلي هل بنت تحب وتجرب في أحلى من دموع الحب واذا الوحدة بكت شوي اقصى حد شهرين وبتنسى بس تكون عاشت احلى ساعات بعمرها ولحظات مابتتعوض
الكل بيطلع ضدي لمن بقول الواحد ملازم يتزوج أذا ما بيحب
قال الحب بيجي بعد الزواج والحب ما بيطعمي خبز ومافي زواج ناجح لو كان في حب اذا مافي مصاري ومستوى محترم و...ومن هل حكي الفاضي ياترى ياصديقي شو لي نزع هل حياة؟؟؟ شو لي جنن العالم؟؟؟ شو لي خلانا ناكل بعض؟؟؟ شو لي خلانا بلا ضمير وبا احساس ؟؟؟ليش مشاعرنا صارت باردة ليش ماعاد في حب صادق ليش لمن الواحد منا بيحكي عن الحب بيصير عقلو صغير وجهلان وبكرى رح يوعى ياترى شو لي بدنا نوعا عليه اكتر من يلي صاير؟؟؟
لسا في كتير وكتير بس قد ماحكينا برايك رح نو صل لاي حل؟؟؟؟؟؟؟؟؟؟....... (مستحيل)
وبالاخير الزواج شي مافي الواحد يحسبلو لأنو حظ ماممكن ينعرف حتى يتم
يمكن طولت الرد بس موضوعك يا صديق يوسف اجا بوقتو لفشت الخلاء و ياريت الواحد في يحكي اكتر بس لازم نسكت لضرورات أمنية
صورة
احبوا بعضكم بعضا كما احببتكم انا
صورة العضو
soso
عضو ماسي
عضو ماسي
 
مشاركات: 241
اشترك في: الجمعة أكتوبر 27, 2006 3:34 pm
مكان: طرطوس-متن الساحل

شكرا

مشاركةبواسطة yousef في الجمعة ديسمبر 14, 2007 2:37 pm

صديقة SoSo

شكرا كتير لرأيك

أسمحيلي رد عليكي بس بتمنى تعرفي أنو هي وجهة نظر و بس .

عبتفليلي مو كل أصابيعك متل بعضها و أنا رح ألك كلامك صحيح بس المشكلة كلون أصابيع .

أنا بتمنى أنو لاقي البنت يلي ما تكون عبتكذب علي بس هلأ صار صعب كتير

و 99% من البنات عبيستخدموا مبدأ عريس بالأيد أحسن من عشرة على الشجرة .

فطبعا هون الحب صار بس أنو في حال الشب كان جاهز فأنا بحبو .

و كمان لو حكينا شوي بصارحة صار هلأ كتير صعب أنو الشب يكون حالو ليتزوج .

و بدأي أسلك لو شفتي مسلسل سوري أسمو قصص الغرام

نطرحت أحد الحكايا

أنو شب و بنت بحبو بعض من 4 سنين بس الشب في برأبتو عيلة و مو قدران بتزوج بالوقت الحالي فراحو على حفلة زواج رفيقون فطبعا دار النقاش بين الحبيبين أنو كلون سبقونا و في شب شافا لهي البنت و هو مغترب و طلبها ووافقت و طبعا ودعت حبيبها و بورجونا أخر مشهد أنو حبيبها كان راكد على المطار و عبيبكي .

طيب فينيك تقوليلي أنو مين الغلطان الشب و لا البنت

الشب يلي مو بفدرتو يتزوج و لا البنت يلي صارت ناطرتو 4 سنين و ما صار معو حق المحابس

ما بعرف شو حيكون جوابك بس بالنهاية ما غلط على التنين بس كانت نهاية الفصة هي زواج تقليدي .


شكرا كتير على ردك و بتمنى تقرأي يلي كتبتو

و بتمنى من MR. Administrator أنو يرد على رساللتي MR. JF
yousef
عضو نشيط
عضو نشيط
 
مشاركات: 19
اشترك في: الأربعاء نوفمبر 21, 2007 7:34 pm

مشاركةبواسطة nourma_fahoom في الجمعة ديسمبر 14, 2007 9:37 pm

الحقيقة قصتك اخ يوسف وارد حدوثها بالواقع 90% بسبب المبادىء يلي صارت اساسية من أهمها يلي اشرت عليه عريس بالإيد ولا عشرة عالشجرة هادف عالتغير بالمثل

بس في شغلة رح قلك ياها هالانسانة يلي عاهدتك بالتأكيد يلي بتحبك سنين بتعاهد بالإخلاص وخانة هالإخلاص بأول فرصة تقدمتلها هالأنسانة ليست أهل للإرتباط بها بأي شخص بيجوز اذا صادفت شخص بحكم العلاقات الاجتماعية ووجدت فيه المواصفات أحسن من زوجها رح تخون الإخلاص بمجرد التمعن فيه بنظرة طبعا عم احكم بقابليتها للطعن بالاخلاص لانو الحب بيناتكون ما انتهى بخلاف برأي لمخطاطات الحياة المستقبلية اختفت اخبارها حسب سردك للحادثة يعني كانت بنية التقلب بيجوز تستمر معك او حسم الموضوع بعريس الغفلة هادي ما كانت صادقة بحبك من البدايةحتى تأكد انها بتحبك بعد طلاقها شو هيدي ماشية عالمبدأ تمام بدها تقبض عريس بالإيد وتترك العشرة يلي عالشجرة

طالما فكرت بالزواج التقليدي رح يتم زواجك تقليدي لانه بذهنك وشاغل بالك هو الارتباط طالما امورك جاهزة رح تلتقي بفتاة تنعجب فيها وتنغرم وتتفاهم انت وهي وهي يا سيدي زواج عن حب وقناعة

الزواج التقليدي الحالي بيجمع الحب ايضا لانه ما رح تقدم عاخطوة الارتباط باي فتاة بدون ما ينوجد الاعجاب والحب رح تعيش الحب 3 شهور بدل 3 سنين

لا تنزعج من الحادثة يلي صارت معك وتخليها تأثر عليك

تمنياتي الك بالتوفيق بالارتباط اساسه الحب والوفاق
GOd Is Love

صورة
صورة العضو
nourma_fahoom
مشرف
مشرف
 
مشاركات: 1678
اشترك في: الجمعة سبتمبر 16, 2005 7:37 pm

مشاركةبواسطة Eng. Jan Fahoom في السبت ديسمبر 15, 2007 2:04 pm

مرحبا يا شباب و يا صبايا

أولا بعتذر من الجميع بشكل عام و من يوسف بشكل خاص عن التأخر بالرد

بالرجوع لموضوعنا أكيد الأخ سامي و الأخوات نورما و سوسو تقريبا حكوا عن أهم نقاط هالموضوع.

خلوني إجي لرأيي الشخصي و بتمنى ما حدا يزعل مني, أنا ضد الزواج و الارتباط التقليدي, لأن الإنسان منا إذا بهي الشغلة ما رح يكون مسؤول و يرمي هموا على غيروا !!!! فا بشو رح يكون مسؤول ؟؟؟ :?: :?:
يعني إذا الواحد فشل مرة خلص خلصت الحياة و توقفت الدنيا عند هالحد ؟؟؟
بس يمكن نحنا كمجتمع عربي عانا من فترات إنغلاق و إنعزال تعودنا عكل شي يجي بالسهل و نحنا ما نكلف نفسنا أدنى عناء للحصول على مبتغانا. و بس شفنا شي صعب منقول عنو مستحيل أو منتملص منو و منرمي على غيرنا منشان ما نواجه نفسنا بيوم من الأيام و كل واحد يلوم حالو و يحاسب حالو ,, فبأبسط ما يكون منرمي همنا على غيرنا و إذا صار ما صار منلومن هني :wink:

هلق يا يوسف الحياة فيا كتير مطبات , بس بالنسبة لهدا المطب تحديدا ما فيك تقول شوفوا فلان شو صار معو و شوفوا مسلسل الفلانة شة قصتوا و و و ,,,,,, لهيك أنا قررت ما إغلط و آكل المطب و خلص رح ريح راسي و خلي إمي تنقيلي و سلاااااام يابا ,,,, لازم تحاول و حتى لو فشلت ترد تحاول ..... لأن الفشل في محاولة لا يعني النهاية. لأن إذا كل ما فشلنا بمحاولة بدنا نقول هي النهاية رح نضل ناكل فلافل كل حياتنا و بدنا يا خيي إياد و لكل أسف تصير عنا قناعة تامة إنو الفلافل أطيب أكلة :wink:

بتمنى تكون وصلت الفكرة و إلنا تكملة بهالموضوع و بمواضيع تانية كمان.
In God We Trust
صورة العضو
Eng. Jan Fahoom
Site Admin
Site Admin
 
مشاركات: 607
اشترك في: الخميس ديسمبر 02, 2004 5:32 pm
مكان: Toronto - ON

مرحبا يا جان

مشاركةبواسطة yousef في الخميس ديسمبر 20, 2007 9:24 am

[color=#BF4000]صباح الخير جان

انا بحب الك شكرا كتير على ردك و رح ردلك هلأ قبل ساعتين من سفري لاني ما رح رد لفترة اسبوعين.

اولا الزواج ما نو هم يعني فيك تقول الزواج متل البطيخة و انت فهمتني اكيد طبعا بأمكانك تعرف الشخص لما بتحكي معو و بتتعرف عليه بس الشي الاكيد انو الشب و البنت لما بحبوا بعض بحاولو يورجوا الطرف الحلو و بس .( ولا نقاش في هذا الموضوع ) :twisted: :!:

و طبعا بالنسبة انو نحنا ما لازم نطلع شو صار مع فلان و علتان بدي الك انو الدنيا طويلة بس نحنا فيها قصة قصيرة انت ما رح تقدر تجرب اكتر من مرة لأن كل ما بتكبر رح تلاقي صار عليك التزامات و انت يمكن بتعرف و ضعي بالشركة و متل ما بيقولوا حارتنا صغيرة و بنعرف بعضنا.

و بالنسبة للزواج التقليدي بدي الك انك اكيد ما قريت شو باعته الاخت المشرفة نورما لان لو اريتو كنت فهمت شو معنى الزواج التقليدي بمجتمعنا حاليا ( يعني المجتمع المنغلق ) : طبعا انت بتاصد انو ابعت امي و تدور على بنات و تجبلي صورون بعدين رح شوفون - هاد الحكي العمر الك مات من زمان هلا صار انك بتشوف البنت و بتروح و بتتعرف عليها لمدة قصيرة و طبعا هون ممكن يتم الزواج هاد هو الزواج التقليدي بالنسبة لمجتمعنا المنغلق او يلي بتسمي منغلق او يمكن انت من زمان ما نزلت عالبلد مشان هيك لساتك بتفكر المجتمع المنغلق. :mrgreen: :evil: :x :cry: :oops:

بتمناك ما تزعل مني بس هاد ردي و اتفقنا بلا زعل. :o

و كمان قبل ما نسى الفلافل طيبة بس لاول مرة و بعدين بتصير --- أو --- أو ---.

هلأ صار لازم ودعك و الك ميلاد مجيد و كل سنة و انت سالم الك و لكل الاعضاء و المشرفين. 8)

ENG. Yousef
[/color]
yousef
عضو نشيط
عضو نشيط
 
مشاركات: 19
اشترك في: الأربعاء نوفمبر 21, 2007 7:34 pm


العودة إلى بصراحـــة

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 8 زائر/زوار

cron