• اخر المشاركات

باب الملجأ...

مواضيع حياتية للنقاش الجاد و الصريح

المشرفون: noooooooooooor, Dr Rabie

باب الملجأ...

مشاركةبواسطة Eiad Mashhara في الخميس أكتوبر 04, 2007 8:16 pm


الله يرحم جميع الشهداء .....
صدقوني عم اتخيل شكل الناس و هية نازلة على الملاجئ اذا صار حرب و حاملين هل التلفزيونات و بعد ما قدرو يزمقو التلفزيون بهل العجقة قاعدين بهل الملجا و الصوارخ و الدبابات و الحرب شغالة
قاعدين عم يحضرو باب الحارة المسلسل يلي بوضحلك ليش نحنا من بلاد العالم الثالث و منستحق نكون بالعاشر لو فيه ...
باب الحارة .... اي مو قليلة مسلسل مؤلف من رشات من التخلف و رشات من التعصب ...
هلأ يمكن تقلولي القصة قصة زوق و كل واحد بشوف يلي بحبو ....
طيب حابب اسألكون شو شايفين فيه لهل المسلسل حتى صار حديث الساعة شو فيه هل المسلسل حتى العالم ميته حتى تعرف اخباره شو فيه حتى متأثرين فيه لهدرجه لأ و يلي بفلوء انو طول عمرو في مسلسلات من هل النوع مو انو نوع جديد من المسلسلات...
أنا صدقوني مو عم انقد المسلسل قد ماني عم انقد حديث الناس المستمر عنو و التأثر فيه
زمان مر موضوع عن انو شو هل الاغاني يلي عم تنزل بهل الايام هي لا و الله يا عيني رب هل الاغاني على الاقل ما بتخلي موضوع الناس الاول موضوعا و لا بتشغل الفكر و لا شي....

عن جد الله يرحم جميع الشهداء .....
Eiad Mashhara
مشرف
مشرف
 
مشاركات: 120
اشترك في: الأربعاء مايو 10, 2006 12:46 am
مكان: Syria, Tartus, Maten Al-sahel

مشاركةبواسطة Naughty girl في الخميس أكتوبر 04, 2007 9:57 pm

مرحباً بلأخ اياد
بالبداية بدي قلك أنو المسلسل هيدا الجزء التاني منو مش الأول و اللي ما تابعو السنة الماضية
عم يتابعو السنة من الصدى الكبير اللي أخدو بهيداك الجزء
شغلة تانية بجوز يكون نوع من الحنين للماضي و قيم الماضي و عاداتو و تقاليدو و كل شي فيه
سلبي أو ايجابي
و الشغلة التالتة النخوة و الشهامة و الاحترام عند رجال المسلسل و اللي انفقدت عن كتيرين من رجالنا
و شبابنا بهالأيام و صرنا نحن البنات كشرقيات مندوّر عليها عند الشباب دوارة
وأسباب كتير ة غيرها مارح طول الحديث فيها
بس شيلك من الحكي ....
عنجد مسلسل حلو كتير
و نلتقي :) :)
اذا أحببت أحداً ما ...فاعطه باباً وجناحين ...
Naughty girl
عضو ذهبي
عضو ذهبي
 
مشاركات: 122
اشترك في: السبت فبراير 10, 2007 9:52 am

مشاركةبواسطة وائل في الجمعة أكتوبر 05, 2007 1:12 pm

سلام عطر للأخ إياد و للجميع

طالما إن المسلسل حديث الناس جميعا من الصغير للكبير و من مختلف الأعمار و العقليات و المستويات الثقافية فمعناها إن المسلسل لاقى النجاح الجماهيري و السبب ما هو جايي من فراغ يا صديقي
المسلسل ليس مبني على أفكار التعصب و التخلف متل ما قلت يمكن ببعض نواحي الحياة قد تلاحظ بعض مظاهر التخلف بالحياة العامة و لكن لا تنسى أن أحداث المسلسل تدور في فترة الثلاثينيات .
و لكن يا أخ إياد ممكن تلاحظ كتير من مظاهر التطور الي منتمناها بهالأيام متل البحبوحة الاقتصادية و قييمة العملة و قيمة العمل , يعني أي شغلة أو أي صنعة كانت كفيلة بتأمين الحياة الكريمة لأي شخص و هيدا شيء مفقود بحياتنا المعاصرة حتى بأكثر الدول تقدما و خاصة ببلدنا نتيجة التضخم الرهيب .( اقتصاد السوق الاجتماعي إنتو أكبر قدر)
تاني شيء الأخلاق العالية و الشهامة و المثل الراقية الأخرى اللي صارت نادرة مع الأسف بمجتمعاتنا و لشوق الناس لهالقيم بتشوفهم ملهوفين للمسلسل
الشغلة الأهم هي دعم الثوار و الوحدة الوطنية من كل الطوائف و الطبقات الاجتماعية بدعم الثوار و توصيل السلاح سواء بالغوطة ضد الفرنسيين أو ضد الانكليز و اليهود بفلسطين بينما بالوقت الحاضر صار دعم المقاومة خيانة و الدول العربية و الاسلامية هي أول من تقاطع و تحاصر من يدعم المقاومة و الأدلة كثيرة

أما التعصب اللي شايفينو بالمسلسل بينحصر ضمن البيت و هو شيء شخصي طالما ما شفنا ولا مظهر من التعصب خارج البيت .. يعني صحيح هي نقطة سلبية في نمط هيك حياة و لكن محصورة ضمن البيت .. بينما ما في ولا دليل لى التعصب حتى الخطاب الديني و الشيخ الوجود هو صورة رائعة عن الحكمة و الدين الصحيح بعيد عن أي تطرف و تعصب

أما ليش هالمسلسل الشامي بالذات أخد هالصيت لأنه الوحيد على الساحة يمكن اعتباره عمل متكامل لا يقارن بجرن الشاويش الباهت و باسل خياط اللي بيحاول يقلد صوت و حركات الممثل الكبير خالد تاجا ناهيك عن ضعف هشام الشربجي باخراج الممسلسلات الشامية مقارنة بالمخرج بسام الملا.

لازم يا صديقي إياد نأخد الأمور و نوضعها بسياقها الصحيح و ليس أن ننقض تعلق عشرات الملايين بمسلسل ملتزم يملك من الصفات الحميدة ما نحلم به في عضرنا التعيس هذا

و شكرا
وشاء الهوا ...
صورة العضو
وائل
عضو ماسي
عضو ماسي
 
مشاركات: 467
اشترك في: الأحد سبتمبر 03, 2006 9:33 am
مكان: الدمام السعودية -

مشاركةبواسطة هولاكو في السبت أكتوبر 06, 2007 9:39 am

مرحبا يا جماعة
والله انا حابب علق ع الموضوع بطريقتي
مسلسل باب الحارة مسلسل بمعنى الكلمة
تدور احداثه حول التخلف الذي كانت تعيشه الحارات الشامية
مثال: احدهم يطلع على الاسطوح ويكشف حريم الجيران وهو لم يرى شي وتحصل مشكلة كبيرة
الرجل يطلق زوجته. وابنتهم المخطوبة تطلق لان امها مطلقة والابن يطلق زوجته لانها حكت لامها وامها خبرت الجيران والاب لاتبقى له كلمة لانهو طلق زوجتة وزجتة تكون اخت أكابرية الحارة
وهيداك قال ترك الحارة وعم يشتغل بالتهريب وهرب 3 بواريد بس سرقولو الاحصنة ياحرام رجعو مشي ع الغوطة :cry: :cry:
ياجماعة شو الواحد بدو يحكي عن جد وصلنا لمرحلة صعبة
لازم نحنا كاشعب ننسى هالتخلف لي كان صاير عنا ونطلع الى حياة افضل من هيك

بطلو المخرجين يساوو مسلسلات كومدية تسلي هالناس :wink:
هولاكو
عضو نشيط
عضو نشيط
 
مشاركات: 15
اشترك في: الأحد سبتمبر 23, 2007 12:04 pm

مشاركةبواسطة ghriss-m في الثلاثاء أكتوبر 09, 2007 5:04 pm

مرحبا بالجميع وعدنا مرة ثانية لنقاش في نفس الحديث الشاغل الكل
ليش يا صديق إياد خطر ببالك الحرب وزحمت الملاجئ أصلن نحنا عنا ملاجئ حتى نحتمي فيها بوقت الحرب مجهزين لأي أمر الحياة والمعيشة الاقتصادية وارتفاع الأسعار الجنوني رح يسمح لنا ننزل على الملاجئ لا تخاف وقتها من كون متنا من الجوع وتشرد إذا ضلت الأسعار والأوضاع هيك لا سمح الله وصار حرب يعني منحضر المسلسل بالجنة أو جهنم و هونيك في أماكن واسعة ومريحا للكل لا تخاف كتير قربت تنحل مااااااا
شكلك بدك متل مسلسل و((صمة عار)) تحضره عن وزير ما وبدوله ما وأحداث ما وكله يمثل و خايف يقول عن مين يمكن لهيك الناس فضلت باب الحارة الذي يتكلم عن فترة معينة وزمن معين أوضح من أي مسلسل عاطفي رومنسي أو خيالي بوليسي أو حقيقي مخفي خلف الكواليس

صديقتي naughty girl كلامك مشابه أنت وصديق وائل لكلامي الذي كنت أريد الشرح عنه على الأقل كل حارة لها قائد مطاع أمره وغير ظالم وخير وغيرها من أمور حميدة في هذا الزمن كم هي المسافات الواسعة بين الشعب والقادة كم هي الأوضاع متأزمة في كثير من الأماكن صراحة نجد القليل القليل ونادر من الزعماء أو القادة الذين أوامرهم مسموعة

فما رأيك يا صديق هولاكو هذا التخلف البسيط في بعض الأمور أليس أفضل لنا من هذا الزمان الذي أحلامنا وقف على التخطيط الذي أكبر منا ليس بالعمر وليس الجار والأب والخال وعقيد الحارة إنما لا نعلم من هم الأيادي الخفية المعتادة بالتحكم بكل شيء في مصير الشعوب لازم كل فترة نشاهد ما سبق حتى نعي ماذا نفعل وعلى فكرة صديق هولاكو المشارك الجديد شكلك متابع المسلسل منيح انت وصديق إياد حتى عرفانين تفاصيل المسلسل أو يمكن من الأحاديث التي تجري كل يوم عنه
ولنا معكم لقاء جديد في موضوع جديد
صورة

أكتب وخلي الدنيا نور .... النور يلي معك نور فيه دروب
صورة العضو
ghriss-m
مشرف
مشرف
 
مشاركات: 424
اشترك في: الاثنين مايو 01, 2006 5:42 pm
مكان: طرطوس - متن الساحل

مشاركةبواسطة Eiad Mashhara في الأربعاء أكتوبر 10, 2007 1:23 am


الله يرحم جميع الشهداء .....
بالبداية انا حابب وضح اني ما بدي رد على كل صديق حكي او علق حتى ياخد الموضوع شكل النقاش الجماعي و ليس الفردي ...
بدي قلكون اني انا ماني عم احضر المسلسل و لكن عم اسمع من الناس و لا يخلو الامر اني احيان عم احضر اجزاء منو لانو مشالله صاير متل الصلا عن الناس في صبح و ضهر و عصر و مسا فا اجباري الواحد بو ياخد شوية فرجة على التخلف .... و لالكون هل المشهد يلي حضرتو هاداك اليوم لما كانو رفقاتي عم يحضرو ....
هلأ انا بعرف انو سامر المصري اخد دور زعيم لان صارعين الله فيه ... فا هاد يلي بمثل أفضل الصفات يلي عديتو من رجولة و نخوه و شهامة و ما بعرف شو ... هلأ انا شفتو يا أهالي الرجولة عم يرشي الحكومة منشان تغطي عليه و على رجالو ... اي لا شو هادا بدكون تقلولي هادة رجولة و شهامه و كرم و اخلاق و ركوب الخيل... بعدان متل ما ذكر سابقا وين العادات و يلي ما بعرف شو يلي حكيتو عنون اذا الطلاق شغال و الضرب شغال و المبعرف شو شغال ... يا جماعة فيكون تقولو عن المسلسل حلو و هاد رأيكون بركي بتحبو الرشوة و الصلاق و التخلف و التعصب و الأصولية و كل ما هوه رجعي بس ما فيكون تطلعو و تقولولي هل الشغلات مفقودة اليوم اي ما بدنا اياها يا عمي
بعدان كل شي كام و هل الاخبار يلي عم اسمعها شي تاني معقول لكن بفلسطين عم يختصرو الصلاة منشان يلحقو المسلسل ... طيب وين الله بهل الزحمة هي معقول اي لا هيك كتير الله وكيلكون هاد تخلف اكتر من التخلف الموجود بالمسلسل ....
و بالنهاية ما بقدر قول غير الله يرحم جميع الشهداء
Eiad Mashhara
مشرف
مشرف
 
مشاركات: 120
اشترك في: الأربعاء مايو 10, 2006 12:46 am
مكان: Syria, Tartus, Maten Al-sahel

مشاركةبواسطة Naughty girl في الأربعاء أكتوبر 10, 2007 10:29 am

و يرحمنا معون كمان .....
قول آمين ...... :o :o
اذا أحببت أحداً ما ...فاعطه باباً وجناحين ...
Naughty girl
عضو ذهبي
عضو ذهبي
 
مشاركات: 122
اشترك في: السبت فبراير 10, 2007 9:52 am

مشاركةبواسطة وائل في الأربعاء أكتوبر 10, 2007 11:49 am

الله يرحم الشهداء لا تدخل بنقاش عن موضوع ما عندك كل تفاصيله
أنا بتابع باب الحارة بشكل يومي و بالإعادة كمان و ح دلك على بعض المغالطات
يا أخي رشوة أبو شهاب ما هي لحكومة وطنية هو عبيرشي حكومة الاحتلال الفرنسي و الهدف إظهار الاحتلال على حقيقته و تعرية وضعه و هي درس للجميع المرتشين و الراشين في وقتنا الخالي بأن بدعة الرشوة هي لخراب البلد و مين جابها هو المحتل الأجنبي ...
تاني شيء موضوع الطلاق : يا أخي المسلسل بهالجزء عيدور بمعظمه حول أن كل المشاكل بالحارة و العداوات هي بسبب الطلاق . يعني عبيلعن الطلاق و يحاربه و هاي كمان رسالة حضرتك فهمانها غلط.
ثالت شي دعم الثوار السوريين و الفلسطينيين و بزل الغالي و الرخيص بهالموضوع و وضع كل الأحقاد على جنب في مواجهة المحتل .. بظن إنه درس رائع و عظيم نحن كتير بحاجته بهالأيام.
بقا يرحم كل الشهداء يا أخ إياد ركز شوي على صلب المواضيع و لا تتبع المثل " خالف تعرف " عالطالعة و عالنازلة . و يا خوفي يتغير رأيك من الشهداء و المقاومة إذا عرفت إن مسلسل باب الحارة عبيمجدهم ...

يرحم كل الأموات و الأحياء و الشهداء و يعطيكم العافية
وشاء الهوا ...
صورة العضو
وائل
عضو ماسي
عضو ماسي
 
مشاركات: 467
اشترك في: الأحد سبتمبر 03, 2006 9:33 am
مكان: الدمام السعودية -

مشاركةبواسطة Eiad Mashhara في الأحد أكتوبر 14, 2007 1:07 am

الله يرحم جميع الشهداء .....
شوف يا استاذ وائل ... أنا ماني عم خالف حتى اعرف لمعلوماتك الكريمة أنا معروف خلقة ربي ...
و هادا مو اسلوب نقاش ... عم نتناقش بالمسلسل ولك خيي ... ماني عم خالف و لا عارض ...
و القصة مو متل مانك فهمانا ...
القصة و ما فيها يا استاذي الكريم أنو هل المسلسل عمل هوس على شي فاضي و مو بس هيك الا شي سيء و لا تدخلني بموضوع الثورة و الثوار و تلويلي قلبي بحياة أبوك .... ليش قلة مسلسلات حكت عن الثوار بشكل حقيقي و واضح أكتر بعيد عن هل المهاترات تبعيت الطلاق و التعصب و التخلف المقزز جدا و شكرا
Eiad Mashhara
مشرف
مشرف
 
مشاركات: 120
اشترك في: الأربعاء مايو 10, 2006 12:46 am
مكان: Syria, Tartus, Maten Al-sahel

مشاركةبواسطة GHOSTO في الأحد أكتوبر 14, 2007 2:16 pm

مرحبا يا استاذ اياد


ليش انتي تارك الله و عابد قصه الطلاق و الاسطوح

اذا كانت من قديم هيك العادات و التقاليد و المخرج هيك جسدا


وبعدين لكل واحد رأيو



سللللللللللللللللاااام :)
Barcelona Fro Ever


صورة
صورة العضو
GHOSTO
مشرف
مشرف
 
مشاركات: 421
اشترك في: الخميس ديسمبر 07, 2006 10:05 pm

مشاركةبواسطة هولاكو في الاثنين أكتوبر 15, 2007 12:42 pm

لك والله عطيتوا الموضوع اكتر مابيستاهل
خلص بقى انتهى المسلسل وانتصرنا ع الانكليز بيكفي انتصار واحد
بكل جزء
هولاكو
عضو نشيط
عضو نشيط
 
مشاركات: 15
اشترك في: الأحد سبتمبر 23, 2007 12:04 pm

مشاركةبواسطة soso في الأحد أكتوبر 21, 2007 10:59 pm

مرحبا للجميع
يمكن ردي وصل متأخر بس انا وعم اتصفح جديد الموقع جذبني هل نقاش الهادف (...... )
حتى رد واسأل ياترى وصل فينا الامر انو يحتد النقاش بيناتنا كرمال مسلسل ......
ياترى همومنا ومشاكلنا انتهت هون
انا ماني ضد انو نتناقش بس ياريت يكون اسلوبنا ارقة بشوي مايعتمد على الفرض و القمع يعني كل واحد حر برأيو مافي داعي للتجريح شو ما كان السبب
اسفة صديق اياد بس لاحظت من خلال كتير من الردود يلي شفتها قلك بمواضيع مختلفة انك بدك توصل طريقة تفكيرك للكل وتفرض ع الكل يفكرو متلك والا بيطلعو متخلفين ( مثلا: يا جماعة فيكون تقولو عن المسلسل حلو و هاد رأيكون بركي بتحبو الرشوة و الصلاق و التخلف و التعصب والأصولية و كل ما هوه رجعي)
انا بالنسبة قلي اول سنة برمضان مابتابع الا مسلسل واحد وهو باب الحارة لان بكل صراحة ماشفت ولا مسلسل تاني جذبني ولفتلي نظري لقيت باي المسلسلات سخيفة (هيدا رأي)
نحن مافينا نتجاهل ماضينا لان من كون بلا اصل بالعكس لازم نخلدو ونقيّم التغير والتقدم لوصلنا لو
نحن مو بهل تخلفو يلي عم تحكي عنو ياصديق اياد (باب الحارة المسلسل يلي بوضحلك ليش نحنا من بلاد العالم الثالث و منستحق نكون بالعاشر لو فيه ... ) لاء بالعكس نحن لوصلنا لو شي مهم وكبير بس التخلف رح يضل بعقليتنا يلي رح تدمر حياتنا

السؤال....
ليش دائما منحول كل شي بحياتنا لاهداف سياسية و(غيرها) بس لندور ع طريق يفرقنا لاحزاب وجماعات مختلفة
ليش دائما من وجه تفكيرنا للامور يلي بتفرقنا وبتخلينا نختلف
ياريت ننظر للامور نظرة تانية نظرة بسيطة وجمالية بتحلي كل شي بعيونا وبتنسنا الحقد يلي بقلب كل واحد فينا
على فكرة اسا في جزء ثالث ويمكن رابع من باب الحارة
ما فينا نقول غير يلعن الزمن يلي وصلنا لهون

بتمنى ما يكون ردي مسيء لأي شخص
صورة
احبوا بعضكم بعضا كما احببتكم انا
صورة العضو
soso
عضو ماسي
عضو ماسي
 
مشاركات: 241
اشترك في: الجمعة أكتوبر 27, 2006 3:34 pm
مكان: طرطوس-متن الساحل


العودة إلى بصراحـــة

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 3 زائر/زوار

cron