• اخر المشاركات

حرية الفتاة.. هل تمنحها الراحة؟!

مواضيع حياتية للنقاش الجاد و الصريح

المشرفون: noooooooooooor, Dr Rabie

حرية الفتاة.. هل تمنحها الراحة؟!

مشاركةبواسطة مخائيل مخائيل في الجمعة أغسطس 31, 2007 8:00 pm

الفتاة عندنا بحاجة ماسة الى الراحة النفسية بالرغم من تمتعها بقسط من الحرية.. فما هو مبعث هذا القلق النفسي؟

هل هي الاسرة؟ هل هو المجتمع؟ ‏



أم هل هو عدم تفهمها للحرية وطريقة استخدامها؟ ‏

ان لدى كثيرات من فتياتنا افكارا متحررة، إلا أنهم يخفن من تجسيد هذه الحرية في تصرفاتهن، خوفاً من أن يسيء الناس فهم هذه الحرية وهن لو بُحن بافكارهن لما أصبن بالقلق النفسي. ‏

والفتيات في بلدنا فئتان.. واحدة لا تزال حتى اليوم بانتظار العريس وهي قابعة في منزل ابوابه لا تدخلها الشمس، وإذا دخلتها حرم عليها التمتع بحرارتها ولو على الشرفة. ‏

وثانية لا مبالية بالزواج يشغلها عنه عملها أو بيتها الصغير وحفلاتها متجاهلة بذلك اهمية الزواج بالنسبة لمستقبلها.. ‏

ومنهن من تنظر الى الانطلاق من واقعها نظرتها الى حاجة ضرورية في حياتها كالهواء تماما، بينما ترى فتاة أخرى انه من الافضل لكل فتاة تريد ان تضمن لنفسها مستقبلا حسنا، المحافظة على التقاليد التي يعيش فيها ذووها، أو عاشها اجدادها.. ‏

ونرى في الوقت نفسه واحدة يحرم عليها مشاهدة فيلم سينمائي عاطفي، وأخرى تقضي سهرتها خارج المنزل تنقلها من بيتها سيارة وتعيدها سيارة أخرى، فلا الأولى مرتاحة ولا الثانية راضية قانعة. أعتقد بأن المسؤول عن ذلك هم الاهل.. ‏

الأهل الذين لم يحاولوا ان يتجاوبوا مع العصر ومع تفهمهم لطبيعة بناتهم.. ‏

مرة أخرى نؤكد ان فتاتنا قلقة جدا وليست مرتاحة لحريتها بل وانها متخوفة منها. ‏

ان لهذا القلق اسبابا عدة تعود الى شخصية الفتاة والبيئة التي تعيش فيها.. وأهم هذه الاسباب عدم تفهمها في منزلها.. كيف ومتى تمارس حريتها مما يضطرها لتتفهمها من الغير.. وهنا الخطر الأكبر الذي يحدق بمعظم فتياتنا.. ‏

ترى.. هل سيطول بنا الوقت حتى نتخلص من دوامة القلق هذه...........
في سوريــــــا الحبيبـــــــــــــــــــــة............

نختلــــــف بالمعتقــــــدات والآراء والمذاهــــــــب .....


لكننـــــــــــــــــــــــــــا......

نجتمــع بمحبـــة بلدنـــــــــــا الأغلـــــــــى .......

بمحبـــــة بلدنــــــــــــا الأم... سوريــــــــــــــــــــــــــــا...
مخائيل مخائيل
عضو نشيط
عضو نشيط
 
مشاركات: 9
اشترك في: السبت أغسطس 18, 2007 6:39 pm
مكان: السيسنية+ السعودية

مشاركةبواسطة Naughty girl في الجمعة أغسطس 31, 2007 11:13 pm

بالأول سلام خيي مخاييل
ما بعرف شو بدي قلك سوى انك ضربت على الوتر الحساس الموجود داخل كل واحد أو وحدة
فينا . نحنا مجتمع شرقي يعني نحنا منعيش بوسط اجتماعي العلاقات الاجتماعية بتلعب
فيه دور كبير بحياة كل واحد فينا و بالذات نحنا البنات تركيبتنا النفسية و الاجتماعية مانا متل
الناس بالغرب بيقضوا حياتون بدون صديق أو رفيق - أكيد مو الكل - يعني القبول الاجتماعي
بمجتمعك مهم كتير و حياتك و مسيرتك الشخصية ( أي الأخلاقية )بتلعب دور كبير بالحكم عليك بغض النظر عن الأمور التانية اللي بتقوم فيا أو الصفات اللي بتتمتع فيها و بالتالي أنت محكوم
بتسيير حياتك بحسب قواعد المجتمع اللي عايش فيه و ما بيهم اذا عاجبتك و لا لأ , عم تعمل
قلق نفسي و شعور بانك بالسجن أو رح تختنق المهم عدم رفع راية الاعتراض أو بتتعرض للنبذ
من جماعتك
و الاحلى من هيك أنن بيغرسو فينا من صغرنا ( الأهل , الجيران , المدرسة , العالم يلي
بالطريق أسلوب الحياة المحيط فينا و غيرون كتير ) انو هيدا هو الصحيح و عدم اتباعو يعني
أنت انسان سيء و ما بتستحق الاحترام و المحبة و الثقة و بيضلو يغرسوا و يغرسوا و يغرسوا
لحتى تدخل باللاوعي عنا و تتمكن منا و منصير وقت اللي منخالفها ما منشعر بالراحة أو
بجمالية اللحظة اللي عم نعيشا و مو بس هيك منصير نحس بالذنب و أنو نحنا سيئين و لو حتى
كنا على ثقة تامة بصحة أو عدم خطأ الشي اللي عم نعملو , بالأضافة لحكي الناس و اللي هو
هواية الأغلبية بيساهم بهيدا الشي بشكل كبير , هيدا من جهة . ومن جهة تانية مجتمعنا بتحكمو الطبقية و التملكية في العلاقات الشخصية بين الرجل و المرأة
يعني الشب أحسن من البنت بكل شي و هيدا بيعطيه حقوق أكتر و منا حق الحرية و الأفضلية
بكل شي تقريباً و لو حتى صار عمر البنت 30 سنة بيضلو يعاملوا على أنها الأدنى مرتبة غير
واعية بينضحك عليا بكلمة _ و أنت شو بيعرفك و أنت ما بتعرفي تحملي مسؤولية و بدك تخلي العالم يحكو فينا _ و غيرو كتير من هالحكي كل هالشي بس لأنها فتاة !!!! :cry:
و العيلة اللي بتساوي بين بناتا و ولادا الذكور بالحرية هي عيلة ما عرفت كيف تربي بناتا و تضبطون و ما تسمحلون يفلتو _ بنظر الناس _لأنو البنات حيوانات بلا عقل يفكر اذا ما زربتون
ما بيتربو أو بنضبطو :x :x
و الشغلة التانية التملكية و اللي بتنبع من الطبقية فالأهل بيعتقدو أنن بيملكو ولادون و الون
الحق بالتحكم بحياتون .
و فوق هيدا كلو شبابنا مهما كانو متحررين و بيدعون الحرية بالنهاية معظمون بياخدو بنت من تنقاية الأم
يعني يلي بدا تتزوج بدا تنال رضا الأم و المجتمع يعني تمشي على التقاليد يعني منرجع
لمحل ما بدينا :(
الراحة النفسية للبنت بمجتمعنا صعب كتير تحقيقها لازملنا سنين و سنين لحتى نوصل لحرية
مجتمعنا و منها لحريتنا نحنا البنات و نعرف كيف نكوّن شخصية قوية واعية و مسؤولة و الأهم
نكون انسان بنظر أنفسنا و بقية العالم و ليس مجرد انثى هويتي الجنسية هي التي تميزني
فقط و ليس ذكائي أو جمالي أو شهاداتي محتاجين كتير لتغيير هالنظرة حتى نحس بالراحة
و القدرة على الانطلاق و الشعور بالحرية مو بس الخارجية و الداخلية كمان واللي هي الأهم .
أنا نجحت بمقابلة العمل لأني أنسانة ذكية و بشتغل بجدية و حاملة شهادات عالية مو لأني أنثى
جذابة جسمها و وجهها حلوين كتير , هيدا الشعور اللي عم مندور عليه بمجتمعنا و للأسف
قليل كتير ما نلاقيه
بعرف حالي حكيت كتير و استرسلت كتير و ضاق خلق كتيرين بس الموضوع هام كتير
و متل ما قلت بالبداية ضرب عالوتر عنا نحنا الصبايا الشرقيات لدرجة اتعودنا على عدم التفكير
باالموضوع و دفن قلقنا و تجاهلو و تقبل الوضع متل الدمى لأنو اذا ما عملنا هيك رح نوصل للمرض النفسي و منو للجنون
برجع و بكرر اعتذاري على طول الرد و بشكرك يا مخاييل كتير على هالموضوع الرائع و المهم
كتير و بتمنا أعرف رأي بقية الأعضاء و منن أنت بالموضوع
اذا أحببت أحداً ما ...فاعطه باباً وجناحين ...
Naughty girl
عضو ذهبي
عضو ذهبي
 
مشاركات: 122
اشترك في: السبت فبراير 10, 2007 9:52 am


العودة إلى بصراحـــة

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 7 زائر/زوار

cron