• اخر المشاركات

بتاخدها على عيبها...أو..

مواضيع حياتية للنقاش الجاد و الصريح

المشرفون: noooooooooooor, Dr Rabie

بتاخدها على عيبها...أو..

مشاركةبواسطة مخائيل مخائيل في السبت أغسطس 25, 2007 10:50 am

ياشباب.........
يوم اللي مرق عم ينحكى عن قصة باحد المواقع.. بغض النظر عن الاسماء او صحة القصة بدي اسال عن الفكرة نفسها..

الفكرة ببساطة انو واحد تزوج بنت .. لانو مو منطقي ببلادنا حاليا انو يتزوج شب .. المهم انو في فئة(قلة) معينة عم يعايرو هالزوجين بالماضي تبعون .. خصوصا ماضي البنت .. يعني خلاصة الكلام الموجه اليهما .. انو البنت فلتانة ومش ولا بد .. والشب مقورن وقرونو واصلة للسما……….

الفكرة هون انت \ انتي .. بحال ارتباطك بعلاقة زواج مع طرف تاني ..او على الاقل ارتباطك بعلاقة هدفها (الزواج (بافتراض انو ما حدا من الطرفين عم يكذب عالتاني.. هل بتفضل تعرف كل شي عن ماضي شريكك بالتفاصيل ؟؟

أو فكرة عامة سطحية رح تكون كافية الك؟؟ أو بلا هالقصة كلها ووجع الراس كلو صار بالماضي .. وليش .. شو وجهة نظرك يعني ؟

وقديش ممكن يأثر عليك وعلى علاقتك ..انك تعرف حدوث او وجود شي ما بتحبو بماضي شريكك؟؟

طبعا الصيغة الذكورية بالحكي ما بتعني انو البنات مو معنيين .. يعني للبنات نفس السؤال بصيغة الخطاب للمؤنث….

أرجو التعليق.............
في سوريــــــا الحبيبـــــــــــــــــــــة............

نختلــــــف بالمعتقــــــدات والآراء والمذاهــــــــب .....


لكننـــــــــــــــــــــــــــا......

نجتمــع بمحبـــة بلدنـــــــــــا الأغلـــــــــى .......

بمحبـــــة بلدنــــــــــــا الأم... سوريــــــــــــــــــــــــــــا...
مخائيل مخائيل
عضو نشيط
عضو نشيط
 
مشاركات: 9
اشترك في: السبت أغسطس 18, 2007 6:39 pm
مكان: السيسنية+ السعودية

مشاركةبواسطة X في السبت أغسطس 25, 2007 11:18 am

أكيد خيي مخائيل
لازم الشريك يعرف كل التفاصيل عن ماضي شريكو بنت أو شب عم أحكي عن الكل
و يمكن أحيانا ينفر الشخص من مغامرات التاني الماضية
بس مهما صار ببداية العلاقة أحسن ميصير بعدين - بعد الارتباط مثلا إذا انكشف شي مخبى و تصير صدمة

شكرا لمشاركانك و أهلا بيك
صورة العضو
X
عضو فضي
عضو فضي
 
مشاركات: 82
اشترك في: الثلاثاء فبراير 14, 2006 6:35 pm
مكان: المتن

مشاركةبواسطة Naughty girl في السبت أغسطس 25, 2007 2:57 pm

أول شي أهلا فيك خيي مخاييل
تانياً أكيد الصراحة مطلوبة من الطرف الآخر لانو في كتير ناس - ومنن أنا - ما بيحبو يكونو
آخر من يعلم أو بحجة المحافظة على المشاعر ما يتخبرو شي
هو الواحد يحكي لشريكو و الشريك يا بيتقبل الموضوع يا بلا
أحياناً كتير ضروري تعرف الماضي لتعرف مدى أهلية الطرف التاني ليكون أمين
عليك و على حياتك و تقضي بقية حياتك معو
بس الموضوع بنظري مش هون .........الموضوع أنت يا شب بتاخد وحدة الها ماضي عريق ؟؟؟؟
أو بالعربي الصريح ( مشموسة ) ؟؟؟؟؟ :?:
المتعارف عليه بمجتمعاتنا أنو الشب ما بيعيبو شي و البنت بيعيبا كل شي
و للأسف هيدا الشي ما زال طاغي كل تفكير الأغلبية رغم وجود البعض اللي تجرأ
و أقدم على هالخطوة
أنت جرب و شوف الكل بيشجعك و بيقلك برافو و أحسنت قلن الحقوني و قتا يما أحلى
منظرون و هن عم يتراجعوا لورا و يقلولك نحنا ما منعملا
و شكراً للموضوع الحلو
و نلتقي
اذا أحببت أحداً ما ...فاعطه باباً وجناحين ...
Naughty girl
عضو ذهبي
عضو ذهبي
 
مشاركات: 122
اشترك في: السبت فبراير 10, 2007 9:52 am


العودة إلى بصراحـــة

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 6 زائر/زوار

cron