• اخر المشاركات

تخفيض التعرفة الجمركية للسيارات بسورية

أخبار شاملة , استثمار , قرارات جديدة ...

المشرفون: Dr Rabie, ali

مشاركةبواسطة mind-less في الجمعة مايو 13, 2005 1:50 pm

و الله يا أخ جورج أنا مو شخصية فريدة , بس فيك تقول شخصية إيجابية

يعني ماني سلبي بالحياة , ما بقعد بس نق و إشكي و إنقد و بدي كل شي بالسهل و بلا ما كلف حالي أدنى مجهود , يعني ما معقول راتب الموظف يكون 10000 $ تحتا نرضى .



يعني بدل ما تقعدوا تنقوا و تنقدوا و تضيعوا وقتكم , اشتغلوا شي يفيد المجتمع , و ما تقلي ما في شغل و بطالة و ما بعرف شو , متن الساحل فيا أكتر من 50 شخص عاطل و بنفس الوقت فيا 150 عامل من زمرين و من الجرد . فلو هالعاطلين يبطلوا قعد بالقهوة و لعب شدة و دخان و كفر و يقولوا بدنا نشتغل , أكيد رح يكونوا أبدا من الغريب , بس إذا بدكون تقولوا : "نحنا نشتغل هيك" هدا شي تاني , بس عرفوا إنو الشغل مو عيب ,

ما تبعد يا أخ جورج مشيلك ربع ساعة بتوصل ع زمرين اللي معظمون بيشتغلو عمالة , و شوف كام بيت بيتعمر كل سني , بينما بالمتن مجتمع الأباطرة و المبادئ كل 10 سنين بيتعمر بيت أو قن , فرجاء حاج نق لمجرد النق و ما لهدف تاني .
mind-less
عضو نشيط
عضو نشيط
 
مشاركات: 13
اشترك في: الجمعة مايو 06, 2005 9:17 pm

مشاركةبواسطة Eng. Raghed Fahoom في الجمعة مايو 13, 2005 2:23 pm

تحية للشباب ....

والله ما في لزوم تعصبوا كتير يا شباب .... الشغلة مو مستاهلة ..

بس حابب قول جملة قلتا قبل هيك ورح عيدا إنو نحنا شعب ما بيعجبوا العجب

يعني مو معقول بشهر أو اتنين أو سنتين رح يصير البلد متل الدول الأوربية .... يعني تعتبر خطوة إيجابية وانشالله نشوف خطوات تانية وطريق الألف ميل يبدأ بخطوة ...

ليش ما حدا هيك بيقول ليش الكل متشائم ..... الأخ أبو أمل عم بقول أحلام اليقظة مع احترامي إلك بس هيدا الواقع مو أحلام وكلنا عم نشوف الأوضاع بالبلد ورح نذكر بعضنا بعدين

ويا أخ جورج عم تحكي عن البطالة ..... أنا بوافق mind-less على رأيو فعلى مستوى قرية صغيرة متل المتن شوف العاطلين عن العمل مع إنو الشغل موجود ..... وأنا من المتن وبعرف هالأمور كتير منيح متل ما بيعرفا أي واحد ....

وكمان أي بلد بالعالم رح تلاقي في فقر أو بطالة يعني مشكلة عالمية مو بس بسوريا ...

فرجاء يا شباب بلا هالتشاؤم ...... وخلونا واقعيين لأنو الكلام اللي عم تكتبوا صرلنا 100 سنة عم نسمعوا وبعتقد راحت إيامو ... وطلعوا من هالبواب يا شباب .....



سلام
إذا بلغت القمة فوجه نظرك إلى السفح لترى من عاونك في الصعود إليها وانظر إلى السماء ليثبت الله أقدامك عليها...
^^*^^
وإذا أصيب القوم في أخلاقهم ,,, فأقم عليهم مأتماً وعويلا ....
^^*^^
My WebSite
http://www.raghed.com
^^*^^
صورة العضو
Eng. Raghed Fahoom
Webmaster
Webmaster
 
مشاركات: 1034
اشترك في: الأحد ديسمبر 05, 2004 3:07 am

مشاركةبواسطة Dr.Adel في الجمعة مايو 13, 2005 7:18 pm

يا شباب الموضوع بلش عن السيارات و وصل على شي ما منريد نغوص فيه! بتمنى من الكل إنو تضل أعصابو رايقة يعني بالنهاية نحنا أكتر ناس مننبسط لبلدنا و منرجع عليها رافعين راسنا!

و أنا مصّر على التفاؤل و رح ضل متفائل!!
We Don't plan to fail... But we fail to plan



صورة
Dr.Adel
عضو نشيط
عضو نشيط
 
مشاركات: 18
اشترك في: الخميس مايو 05, 2005 4:16 pm
مكان: Egypt-Cairo

مشاركةبواسطة ghassan في الجمعة مايو 13, 2005 8:03 pm

تحياتي للجميع

ولله يا شباب الموضوع كتير شيق

بصراحه يا أخ جورج انا رح وقف ضدك شوي ومعك شوي بس بعرفك ما بتزعل مني

شكروا ربكن يا جماعة عل الوضع لفيه المواد الغذاءيه عنا بسوريا لان يا اخ جورج متل ما قالوا الشباب طلاع لبرا وشوف

وانا حابب قول شغله السيارا نصنعة لشغلات ضروريه ليش بدكون انو كل انسان بسوريا يقنى سيارا يعني خليكون قريبين من الواقع شوي

انا احترم النقد لان ما في دوله قويه ألا ولم تبنى على النقد البناء... بس لحابب أفهمو أنو سوريا ألها من سنه 1985 لسنه 2000جامده ما تقدمت ولا خطوه ليش بعد ما بلش الأصلاح ما عد فيك تهدي الشعب السوري ما عد حدا عاجبوا شي بعد مشفنا شغلات كنا نحلم نشوفها انا كتير حابب تجاوبوني على هل سؤال ؟؟؟؟
ghassan
عضو فعال
عضو فعال
 
مشاركات: 43
اشترك في: الخميس ديسمبر 09, 2004 10:37 pm
مكان: ukraina

مشاركةبواسطة mohamed bishani في الجمعة مايو 13, 2005 8:13 pm

تحية للجميع......



اول شي بدنا نتفق انو يلي بقول الشغلات المظبوطة والايجابية يلي عم تصير بالبلد ما بكون عم ينافق....



بعدين موضوع جمارك السيارات مانو موضوع تافه متل ما حاول بعض الشباب يصوروا....



بالعكس هي خطوة كتير مظبوطة و كان لازم تصير من زمان...و أن تصل متأخراً خير من ألا تصل



وبعدين الكل متفق انو في روس كبيرة بالبلد صارت رمز للفساد و صارت تشكل عبء عالبلد...



بس هيدا ما بيعني انو البلد مافيها ناس شرفاء عم يشتغلوا لمصلحة البلد....والمهمة الأن هي قص هالروس الخربانة ...وانشاء الله عالمؤتمر القطري منشوف هالروس عم تهر...



أنا ما عم قول انو بلدنا بألف خير ....بس ما في شي بيجي دفعة وحدة...بعدين يا شباب تفاءلو بالخير تجدوه



كمان بحب قلو لربيع الغالي انو المعلم قال لا اريد لأحد ان يسكت عن الخطأ بس هيدا ما بيعني انو نضل نقول الشغلات الخطأ بدون ما نذكر الشغلات الصح



مشان هيك أنا بشكر رغد على هالموضوع المهم ...



بالنهاية الله يطول عمر الدكتور بشار ويوفقو هوي كل الناس الشرفاء يلي عم يشتغلو لمصلحة الوطن.......
لأننا الأباة في زمان بشار الأسد....



وننتمي لكبرياء حافظ الأسد..........



صورة
صورة العضو
mohamed bishani
عضو ذهبي
عضو ذهبي
 
مشاركات: 106
اشترك في: الأربعاء ديسمبر 15, 2004 8:56 pm
مكان: Egypt

مشاركةبواسطة Nabeeh Arnouk في السبت مايو 14, 2005 12:47 pm

والله يا شباب شكلكن متشائمين كتير :shock: بس بالأول لازم تتفاءلوا ..و إذا ماتطبق القرار بعدين تشاءموا و حكو البدكن ياه ..... :D :D :D
Every man dies,not every man really lives
صورة العضو
Nabeeh Arnouk
عضو نشيط
عضو نشيط
 
مشاركات: 24
اشترك في: الثلاثاء فبراير 08, 2005 4:49 pm
مكان: Syria-Tartous-maten alsahel

مشاركةبواسطة Dr Rabie في السبت مايو 14, 2005 6:29 pm

في شغلة لازم الكل ينتبهلا , إذا صار شي شغلة منيحة ما لازم نشعر إنها منية أو هبة من المسؤولين وألف شغلة مظبوطة بتخربها شغلة وحدة ما مظبوطة , يعني يعملولك ربطة الخبز ب 15 ومن جهة يحرقوا البلد و ينهبوها فمانوا اصلاح, و بعدين وين التحولات الجدية المبينة , و ما حدا بينكر و فيكون تقرأ النقد بالجرائد الحكومية نفسها, نظام التعليم الجديد بالمدارس فاشل و ما حدا بيجرؤ يفتحوا, البطالة زادت و هيئة مكافحة البطالة فشلت , قوانين التقاعد خربطت الدنيا, الاستثمارت عم تتراجع, نظام مصرفي حديث صرلنا كذا سنة نخبط و لهلق ما صار شي , الزراعة ما حدا داعمها , الحوادث الطرقية زادت بنسبة 30% (جريدة تشرين) بسبب ضيق شبكة الطرق, السياسة الخارجية ضعيفة و زادت عزلة سوريا, إعلامنا ضعيف و تبهدلنا قدام الحشرات اللبنانيين, و بتقلي رخصت السيارات.

الجمرك عالسيارت بالصومال و تنزانيا 4% فقط !!!!!!!!!!!!, يعني ما شغلة عظيمة



لهيك كلنا أمل بالدكتور بشار الأمل و معه للآخر و متأملين كتير من المؤتمر القطري و الله يقدم اللي فيه الخير



لا حدا يقيس كل شي ع بيته ,شوفوا الناس كيف عم تتعذب و بعدين حكولنا بالسيارات, لإنه الجوعان و صاحب العائلة و راتب 7000 ما ح يفكر بالسيارة لو صارت ب 100000 , رجاء لا حدا يزايد بالوطنية و يبقى عايش برهبة , نحنا بعام 2005
____
صورة العضو
Dr Rabie
مشرف عام
مشرف عام
 
مشاركات: 858
اشترك في: الأحد ديسمبر 05, 2004 3:05 am

مشاركةبواسطة Dr Rabie في السبت مايو 14, 2005 6:42 pm

نسيت ذكر بشغلة: البطالة اللي بسوريا هي أخطر أنواع البطالة و هي البطالة المقنعة و هي تعني حشر الموظفين بالدوائر دون انتاجية , و دفع رواتب بدون مقابل , يا حبايب البلد استنفذت الاحطياطي النفطي و بحلول 2012 بدنا نصير دولة مستوردة و نخسر مورد النفط اللي بيشكل 60% من الصادرات , و هالروس الخربانة ح تهرب لبرا و حساباتها بالمليارات و يعملوا امبراطورات , عنجد الله يستر إذا ما صار تغيير سريع و جذري , شبعنا حكي فاضي
____
صورة العضو
Dr Rabie
مشرف عام
مشرف عام
 
مشاركات: 858
اشترك في: الأحد ديسمبر 05, 2004 3:05 am

مشاركةبواسطة Dr.Bernard Soleman في الأحد مايو 15, 2005 12:49 am

السادة الكرام

غبت ثلاثة أيام عن الموقع لأسباب قاهرة لأجد عند عودتي كل هذا الكم

من المواضيع و الفقاشات الهامة ,

ما كتب عن موضوع التعرفة الجمركية وانخفاض أسعار السيارات يحتاج

إلى توضيح ...

ما هي الآلية التي تعتمد لتسعير السيارات , وهل يعتمد رسم جمركي بناء

على السعر الذي يقدمة التاجر , وهل يقدم السعر الحقيقي

من المخجل أن نقول إن هذا ما يحدث ومن المخجل أكثر إن بلادنا أصبحت

مقبرة لأسوء أنواع السيارات التي تفتقر إلى أدنى حدود الأمان

السؤال الأخر كيف تحصّل الرسوم الجمركية , وهل تدخل كاملة إلى خزينة

الدولة . لو حدث هذا لما حصّلت لبنان رسوما جمركية أكثر مما تحصّل

سوريا بامتدادها الجغرافي و البشري وبفرضها رسوماُ جمركية تصل أحيانا

إلى200 ضعف ما تفرضه لبنان.

ثم إن خفض التعرفة الجمركية جاء استجابة لشروط الشراكة الأوروبية التي

تفرض معاملة المنتج المستورد معاملة المنتج المحلي جمركياُ , دون التدقيق

على ما يفرض على كلاهما داخل الحدود . لذلك قامت الدولة بتخفيض الرسوم

بهذا الرقم الفضائي ولترفع الضرائب من جهة أخرى مثل ضريبة الرفاهية التي

ارتفعت من15 إلى30 % وربما لتفرض ضرائب جديدة مثل ضريبة بيئة –مكافحة

تلوث وغيرها بحيث لا ينعكس الانخفاض بشكل كامل ومباشر على الأسعار وليذهب

الحلم بامتلاك سيارة معنا إلى العالم الأخر .

الذي تحدث عن زيادة الراتب لم يتنبه إلى إن الزيادة تكون من مصادر غير حقيقية

مثل الضرائب و ارتفاع الأسعار وذلك فقط عندما تصبح هذه الزيادة ضرورة حتمية

لاستمرار الحد الأدنى للحياة والذي يقل كثيراُ عن الحد الأدنى للمعيشة

يقدر عبدا لله الدر دري رئيس هيئة تخطيط الدولة متوسط دخل الفرد في سوريا ب

1050 $ سنوياُ وهو ناتج من قسمة الدخل القومي على عدد السكان بمن فيهم جاري

العاطل عن العمل ورامي مخلوف. مع ذلك هذا الرقم أقل من الأردن البلد الصحراوي

غير النفطي ( 1300$) ويتفوق ربما على الصومال .

.الكارثة إن الرقم الحقيقي أقل من ذلك و السبب نسبة البطالة المرعبة وتدني الكفاءة

الإنتاجية وضعف المردود على كافة المستويات .

نتحدث عن البطالة يا سيد mind-less تحت سقف الوطن وليس بمفهوم الجرد و المتن

لأن أبن (الجرد ) لم يستورد من المريخ وإنما أتى من بلده ليعمل في بلده ولم يسرق

عمل أحد .

إن عمل المثقف أن يشير إلى مواقع الخلل و الفساد وأن يبحث عن مكامن التقصير

لا أن يصبح بوقاُ لتملق السلطة مداحاُ نواحاُ في المناسبات .

إن أملنا بقدرة الشباب –في ظل الحرية- شعاع لن ينطفىء أبداُ

د. برنارد سليمان
Dr.Bernard Soleman
عضو فعال
عضو فعال
 
مشاركات: 29
اشترك في: الأربعاء مارس 16, 2005 8:59 pm
مكان: طرطوس - بديرة

التعرفة ا

مشاركةبواسطة GEORGE DROUBI في الأحد مايو 15, 2005 10:57 am

مرحبا من جديد:

بدأ الموضوع عن تخفيض التعرفة الجمركية للسيارات، وفعلاً طرح هكذا موضوع ينفي الفرضية التي تقول أن الشباب غير معني بالحراك السياسي، لكل الشباب المهتمين فإنه من البديهي إدراك الحقيقة التالية: وهي أن أي تغير في القوانين بشكل عام يدل على تغير في قوة الطبقات والقوى الاجتماعية وبالتالي سيكون القانون لمصلحة الأقوى ولذلك فإن تغير قانون التعرفة الجمركية للسيارات هو لمصلحة شريحة معينة ( فمثلاً: قانون التأمينات الاجتماعية للعمال جاء بعد نضال قاس للعمال و كان ضد مصلحة أرباب العمل وقاوموه بشدة والدلائل موجودة من سوريا إلى كل العالم .. ).

وكونه من الطبيعي أيضاً ارتباط العلاقات السياسية والاجتماعية والاقتصادية ببعضها البعض، فقد وصلنا في نقاشنا إلى موضوع البطالة والوضع الاقتصادي عامةً .. وبما أننا جيل شاب مقبل على الحياة والمستقبل أمامنا و أذهاننا منفتحة فإنه لا يوجد ما يمنع الخوض في أي موضوع مهما كان ..

الأمر الذي طرحته حول سوء الأوضاع المعاشية هو أمر يعني الغالبية العظمى من الشعب السوري ( و أنا واحد منهم ، وبالمناسبة أنا طالب وأعمل في شركة خاصة وبالتالي أنا أصطدم مباشرة مع إشكالية عدم قدرة راتبي الشهري على تغطية حاجاتي الضرورية، وبالتالي فأنا معني بالحراك الاجتماعي السياسي الذي تشغل البطالة حيزاً هاماً منه ).

أما فيما يخص البطالة فهي ظاهرة إجتماعية وليدة النظام الرأسمالي، و من باب التوسع أحب الاستشهاد بالدكتور "عارف دليلة" الذي كان ذات يوم عميد كلية الاقتصاد في جامعة دمشق ومؤلف مقرر "تاريخ الأفكار الاقتصادية " للسنة الأولى في كل جامعات القطر ..

يقول د. دليلة:

" في النظام المشاعي البدائي ساد الجماعة إحساس فطري بأن قوة الجماعة وقدرتها على البقاء مرهونة بكثرة عديدها وقوة كل فرد فيها، فقامت العلاقات فيها على أساس الامتلاك والعمل والتوزيع المتساوي. أما في النظامين العبودي والاقطاعي فقد كانت التبعية الشخصية للطبقات غير المالكة (العبيد والفلاحين الأقنان) إلى أسياد العبيد والاقطاعيين تجعل أفراد تلك الطبقات جزءاً من ممتلكات الطبقة المالكة، إما ملكية كاملة (العبيد)، أو ملكية جزئية، بمقدار ما تتوقف حياتهم على حصتهم العينية من ناتج عملهم (الفلاحون الأقنان). وهكذا، لم يكن بالإمكان ظهور العاطلين عن العمل الباحثين عنه. وكان انخفاض متوسط العمر يتكفل، من جهة أخرى، بعدم ظهور الفائض البشري.

أما النظام الرأسمالي فقد «حرر» أصحاب قوة العمل قانونياً وشكلياً ولكن ليحولهم إلى عبيد لقوة غشماء أسمها قوانين السوق، إذ جعلهم إحدى السلع الخاضعة لقانون العرض والطلب. ففي السوق وحده تتحدد الحاجة إلى البشر كما تتحدد قيمة قوة عمل (أجر) كل منهم، وذلك بالتبعية لكون ما يقدر على تقديمه من سلع أو خدمات يلبي طلباً قائماً يوفر عائداً مرضياً لصاحب رأس المال وبغض النظر عن نوعية وأهمية القدرات والخصائص الشخصية للبشر أنفسهم. وأصبحت البطالة أخطر آفات الرأسمالية. "

إن الغالبية العظمى من الشعب السوري لا يملك سوى قوة عمله وبالتالي ليس لديه أي موارد دخل إضافية عدا عمله المأجور، فليس هناك لا ملكية لوسيلة إنتاج ( أرض، معمل .. )، ولا أموال اغتراب، و من دون شك هم غير قادرين على نهب وسرقة الاقتصاد الوطني ..

تشير الإحصاءات أن نسبة البطالة بين الشباب تتراوح بين الـ ( 25% على 50% ) ، وتتراوح بين الـ ( 15% إلى 20% ) من مجمل قوة العمل في سوريا، ومن المعروف أيضاً أن معظم فروع الجامعات في سوريا غير ملتزمة بتوظيف الخريجين، والنتيجة:

إن البطالة ليست اختيارية بحجة أن الناس لا يقبلون على بعض الأعمال كما فسرت ذلك المدرسة الاقتصادية الكلاسيكية البرجوازية، وإنما البطالة هي إجبارية سببها ببساطة الاستغلال وانعدام العدالة الاجتماعية.

إن طموحنا بتغيير الجوانب السيئة في الواقع يبدأ بتفسير وتحليل هذا الواقع ووضع اليد على المشكلة لذلك لم أطرح الموضوع من باب التشاؤم.

إن التفاؤل الحقيقي هو التفاؤل غير المبني على أحلام النهار والأبراج وكتب " ماغي فرح "، لذلك أصبح من الضروري أن نفتح النقاش حول كيفية حل المشاكل الاقتصادية والاجتماعية الراهنة.

ولكم جزيل الشكر ..

جورج
صورة
صورة العضو
GEORGE DROUBI
مشرف
مشرف
 
مشاركات: 573
اشترك في: الأحد مارس 13, 2005 10:35 am
مكان: طرطوس - متن الساحل

مشاركةبواسطة Dr.Adel في الاثنين مايو 16, 2005 6:01 am

مرحبا يا شباب: أنا كتير بحترم الناس اللي بتطلّع و بتحط بعين الاعتبار دوماَ نصف الكأس الممتلىء! و حتى مو بس هيك! إذا بقيان نقطة مية بالكباية لازم نتطلع عليها!

بالمشرمحي, بتمنى من الكل إنو يكون متفائل! بتعرفو شو المشكلة بالشعوب عامةَ و بشعبنا خاصةَ؟ لمّا منكون عم ننق على الحكومة مشان تعمللنا شي شغلة, و لما بيتحقق هالشي اللي بدنا ياه ما منعود منشكرها أو منتذكر أنو اللي عمليتو كان شي مهم! (ضلّيت صلي ت حصلّي و وقت اللي حصلّي بطلت صلّي) و إنما مندور على شغلة تانية ننق عليها و نطلب و لما ينزل قرار منيح ما منصدقوا!!!!!!!!!!!!!!!!!!!!!

يا شباب ما حدا فيه ينكر إنو الأمور عم تتحسن و لو ببطء! و أنا بتمنى إنو ينقفل النقاش بهالموضوع اللي منشكر البش مهندس رغد على طرحو و عقبال قرارات جديدة و حلوة متل هي!

سلام
We Don't plan to fail... But we fail to plan



صورة
Dr.Adel
عضو نشيط
عضو نشيط
 
مشاركات: 18
اشترك في: الخميس مايو 05, 2005 4:16 pm
مكان: Egypt-Cairo

مشاركةبواسطة abou 3isa في الاثنين يونيو 20, 2005 2:50 am

صدور المرسوم 197 في 6/5/2005 والقاضي بتخفيض الجمارك على السيارات



من 150 % إلى 40% للسيارات دون 1600 سي سي ومن 255% إلى 60% للسيارات فوق 1600 سي سي انتظر المواطنون في سورية أن يتم تطبيق المرسوم حرفياً بعد انتهاء فترة شهر والبدء بالتنفيذ الفعلي لتحصيل هذه الرسوم الجديدة في الجمارك ,‏





إلا أن ما حدث على أرض الواقع من قبل التجار كان بعيداً كل البعد عن روح المرسوم,حيث بقيت أسعار السيارات في الأسواق مرتفعة وبعيدة جداً عن أسعار السيارات في الدول المجاورة وهو الشيء الذي أراد المرسوم تحقيقه لتنتهي سلسلة المطالبات بتخفيض أسعار السيارات..حالة غير مريحة‏



المتابع لسوق السيارات في دمشق وهي تعكس حال سوق السيارات في المحافظات الأخرى يدرك أن حيلة التخفيضات البسيطة على أسعار السيارات لم تنطل على المواطنين الذين عزفوا عن الشراء,وحولوا هذه الأسواق إلى مجرد صالات عرض يزورونها تذكيراً للتجار بضرورة العدول عن رأيهم, والانصياع لتنفيذ المرسوم كاملاً بدلاً من التحايل عليه بالاعلان عن تنزيلات وهمية لم تتعد في كثير من الأحيان نسبة 15% من سعر السيارات سابقاً, وهي النسبة التي تقارب إلى حد كبير نسبة أرباحهم على هذه السيارة دون المساس بسعرها المقر من قبل إدارة الجمارك أي سعر السيارة المستوردة+ الرسوم القديمة التي دفعها التاجر.‏



ولعل اشتراك معظم وكالات البيع الموجودة في الأسواق بتطبيق هذه الحيلة يجعل القول إن اتفاقاً سرياً جرى بين التجار الوكلاء مفاده التمسك بأسعار ثابتة يفرضونها على السوق كاملاً ما يمنع المواطن اتهام واحد دون الآخر بعدم تطبيق نصوص القانون المفروضة عليهم..‏



لمصلحه من?!‏



رغم توق المواطن السوري لاقتناء سيارة ورغم أن الأسعار الجديدة بنسب تخفيضها المتواضعة كانت بمثابة حلم له, إلا أن الوعي الذي بثته وسائل الإعلام السورية,حول ماهية تطبيق المرسوم 197 أدى إلى احجام المواطن عن الشراء وانتظار ماستتبلور عليه الأوضاع بعد جملة المعارض المتخصصة في هذا الشأن,كما أن بعض وكالات البيع عزفت عن اعلان أسعارها نهائياً مؤجلة الأمر إلى موعد غير معلن في تعبير واضح عن تنازع في المصالح بين أن تبيع وفقاً للأسعار الحقيقية التي يفرضها المرسوم 197 أو أن تنصاع لإرادة تجار السوق,وبالتالي الانخراط في دائرة انتظار زبون يقبل بشراء سيارة بسعر يفوق سعرها الحقيقي بنسبة لا تقل عن 15 % ,وبالتالي لا أحد يعرف لمصلحة من انهاء حالة الحركة في هذه الأسواق.‏



كيف نفهم المرسوم‏



يمكن بمثال بسيط أن نفهم بوضوح أن ما يحدث اليوم في أسواق السيارات هو حالة تضليلية للمواطن, حيث تؤكد مصادر معنية في إدارة الجمارك بتسعير السيارات أن التخفيض يجب أن يصل إلى نسبة تزيد عن 30% من سعر السيارة المتداول سابقاً في الأسواق, وأن احتساب سعر السيارة ببساطة يقتضي اتباع الخطوات التالية قياساً على المثال الآتي:‏



السيارة 1600 سي سي فما دون وهي من الأنواع الجيدة للسيارات:‏



سيارة سعرها 10 آلاف دولار أي نحو 500 ألف ليرة سورية كانت رسوم جماركها 150% وتقدر مباشرة بنحو 750 ألف ليرة سورية ويضاف إليها جملة من الرسوم المتناثرة وأرباح التاجر, أما وفقاً للمرسوم 197 فإن هذه السيارة ستعامل على النحو التالي:‏



سعر السيارة قبل المرسوم 500 ألف ليرة سورية.‏



رسومها الجمركية 40% 200 ألف ليرة سورية.‏



تخفض حسب قرار وزير المالية بنسبة 3% تصبح رسومها 194 ألف ليرة سورية أي سعر السيارة حسب الفاتورة 500 ألف + رسومها الجمركية 194 ألف يصبح المجموع 694 ألف ليرة سورية بينما كانت في هذه المرحلة فقط000 1,250 ل.س انخفضت الرسوم على هذه السيارة بمعدل 556 ألف ليرة سورية وهذه السيارة تدفع أيضاً الرسوم التالية:‏



رسم قنصلي فاتورة 4850 ل.س‏



رسم قنصلي شهادة منشأ 485 ل.س‏



غرامة رسم قنصلي في حال عدم التصديق 2667 ل.س‏



غرامة فاتورة 1500 ل.س‏



محافظة وإدارة محلية 2013 ل.س‏



عمولة افترماشين 2000 ل.س‏



تصبح الرسوم مع رسم الجمرك 225515‏



رسوم البيان كاملاً 7036 ل.س + رسم المركبات‏



مجموع الرسوم مع الجمارك 232551 ل.س‏



+ سعر السيارة 000 500 تصبح السيارة سعرها 732551 ل.س يضاف إليها رسم الانفاق الاستهلاكي 30% 765 219 ل.س‏



رسم تسجيل سيارة إضافي 10000 ل.س‏



229765+ رسم البيئة 1250 = 231015 مجموع الرسوم التي تدفع عند تسجيل السيارة فيصبح سعر السيارة + جماركها + رسومها كاملة = 963566 ل.س‏



ويمكن تطبيق نفس الطريقة على أي سيارة لنحصل على سعرها الحقيقي ونضيف طبعاً نسبة 10% إل¯ 15% أرباح التاجر ولكن ما يحدث اليوم على الساحة هو أمر مختلف حيث تباع السيارة صاحبة المثال ووفقاً للأسعار الجديدة كما يدعي البعض بين 1100000-1250000 ل.س أي فقط بحذف الأرباح غير الشرعية غالباً للتاجر وتخفيض على رسومها لا يصل إلى 20% من رسومها الجمركية التي انخفضت بمعدل 75% ونقارن أيضاً سيارة سعرها 400 ألف ليرة كانت جماركها 600 ألفاً أصبحت 148 ألفاً أي يجب أن ينخفض سعرها عما كانت تباع عليه بقيمة 452 ألفاً.‏



مسؤولية من ?!‏



عندما يتم سؤال الجمارك عن الفروق السعرية بين أوراقها وبين ما يتم تداوله في سوق السيارات تعلن مباشرة عدم مسؤوليتها عن متابعة أسعار السيارات فور خروجها من أروقتها وتلوح بمسؤولية وزارة الاقتصاد والتجارة في مراقبة الأسعار وتطبيق هذه الأسعار فعلياً عند بيع السيارة للمواطن,لكن ما يحدث حقيقة الآن هو غياب دور الرقابة التموينية على أسعار السيارات مرة بحجة أنها لا تعرف قيمتها الحقيقية, ومرة بأن السوق خاضع لمبدأ التنافس الحر, وفي كلا الأمرين فإن هذا لا يمنع الرقابة من ممارسة دورها ومنع التجار من تحقيق أرباح فاحشة من شأنها أن تحبط محاولات الحكومة في تخفيض هذه السلعة وجعلها بمتناول أكبر شريحة ممكنة من المواطنين‏



الحكومة قادرة‏



اجراءات بسيطة يمكن أن تتخذها الحكومة لتمنع استغلال حاجة المواطن لهذه السلعة تتلخص بأن تقوم الإدارة العامة للجمارك بنشر الأسعار للسيارات بعد استيفائها للرسوم الجمركية والمختلفة ليتسنى للمواطن معرفة نسبة ربح الوكيل الشرعية,وبالتالي تسهيل عمل الرقابة التموينية التي فشلت حتى اليوم بالزام التجار بتطبيق القرار السابق القاضي بوضع لصاقة حرارية يكتب عليها سعر كل سيارة في صالات العرض وتركت بذلك وزارة الاقتصاد والتجارة الأمر للتجار للتفاوض مع الزبون وفق السعر الذي يحددونه دون مراعاة للتنفيذ الكامل للقرارات الحكومية والمراسيم الرئاسية..‏



أمر آخر يمكن للحكومة أن تعمل عليه وهو تسهيل اجراءات الاستيراد الفردي للسيارات واتباع مبدأ النافذة الواحدة في إحدى الجهات المسؤولة عن هذه العملية ليتمكن المواطن من تخليص معاملة الاستيراد خلال وقت قصير وبأيسر السبل ما يضع التجار الحصريين أمام واقع لا مفر منه وهو تنفيذ التخفيضات الحقيقية على السيارات بدلاً من التنزيلات المتواضعة المعمول بها الآن.‏



إلى متى?!‏



دائماً يراود المواطن السوري سؤال عن مدى صحة التطبيق وإلى متى يستمر قلة من التجار بالسيطرة على الأسواق دون النظر إلى ما يمكن تحقيقه من الأرباح على المدى الطويل في حال أعطي كل ذي حق حقه, وهل يعقل أن يعمل البعض على تحويل مراسيم جمهورية قضت أن تعود الأسعار لهذه السلعة إلى وضعها الطبيعي الذي يتماثل مع أسواق الدول المجاورة إلى حالة من السبات إلى أن يتم تصريف ما لديهم من سيارات مرسمة وفقاً للأسعار القديمة للرسوم الجمركية دون أن تلحق بهم أي خسائر?..سؤال هو برسم الحكومة أولاً وبرسم التجار ثانياً ويدفع ثمناً لتجاهله المواطن وحده..‏







الثورة
بدل من ان تلعن الظلام اضئ شمعه صغيره
abou 3isa
عضو ذهبي
عضو ذهبي
 
مشاركات: 115
اشترك في: الخميس مارس 10, 2005 3:36 pm

مشاركةبواسطة Dr Rabie في الاثنين يونيو 20, 2005 2:40 pm

ما بدنا نحكي شي بقى......



إذا جريدة الثورة اعترفت بالخلل و إنه كل القرارات حبر ع ورق و ما في أسهل من ضبها بالدرج ...................



والله حرام يضحكوا عالشعب أكتر من هيك ...



لك صحي خلص المؤتمر!!!!!!!!!!!!!!



:lol: :lol: :lol: :lol: :lol: :lol:
____
صورة العضو
Dr Rabie
مشرف عام
مشرف عام
 
مشاركات: 858
اشترك في: الأحد ديسمبر 05, 2004 3:05 am

مشاركةبواسطة Dr.Adel في الخميس يونيو 23, 2005 12:33 am

منرجع و منقول تفاءلوا بالخير تجدوه!!!!!!!!!!!!

إن شاء الله يا رب كل شي بيتزبط!!! و كل القرارت اللي بدنا ياها بتتطلع!!!

يس شوية وقت!!

و عقبال ما يطلع شي قرار بيفش الخلق مشان العسكرية!!!!!!!!!!!

و لّا شو خيي ربيع؟ :lol:
We Don't plan to fail... But we fail to plan



صورة
Dr.Adel
عضو نشيط
عضو نشيط
 
مشاركات: 18
اشترك في: الخميس مايو 05, 2005 4:16 pm
مكان: Egypt-Cairo

السابق

العودة إلى أخبار بلدنا الحبيب سوريا.

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 2 زائر/زوار

cron