• اخر المشاركات

مصطلحات المتة في طرطوس

اضحك تضحك لك الدنيا.

المشرف: kenan mehrez

مصطلحات المتة في طرطوس

مشاركةبواسطة Eng. Jan Fahoom في السبت نوفمبر 06, 2010 10:00 am

بتتخيلي كاسة المتة هون؟: يعني المنطقة جميلة جدا.

حزور وين شربت متة؟: تدل على غرابة مكان زرته.

حزور مع مين شربت متة؟: قعدت مع واحد ما رح تتوقعو أبدا.

ياما شربان معو متة: كنت صاحبو لهداك الشب (و بتنقال لما الشب التاني بتعلا مراكزو)

سخنو: أنا جاييك عالطريق.

نقاع: يعني تخلى عن رزانتك و شاركنا أطراف الحديث.

لسا ما قطعت كاستك: بتنقال اذا ضيفك بدو يروح و ما طول بالقعدة.

بدنا نجدد: قعدتنا مطولة.

جددنا تلت مرات: يعني الزلمة طول عندي.

قطعت كاستو و ما كنت جددلو: دبقني الأخ و حاولت قحطلو.

ما كنت سخن الأبريق: تعمل عمل سابقتها.

مركزا لحالي: يعني حاطط كاسة متة و قاعد لحالي قعدة رواق.

حزور شو نسينا؟: يعني ما جبنا الأبريق (لما منكون بسيران)

طيبة هلق كاسة المتة: بتنقال بعد أي شي بيعملو الطرطوسي و بالأخص بعد أكلة دسمة, أو لما تشتي الدني.

بدا كاسة متة: الشغلة بدا تركيز.

ما بيشرب متة: مقت.

قاعد و حاطط كاسة متة قدامو: طايلة قعدتو (بتنقال اذا ناطر حدا)

قاعد مأشرب متة: مو ماعمل شي (اذا انسألت شو متعمل)

ما شربتنا متة: ما كانت ضيافتك منيحة (بتنقال عسيبيل المزحة)

ما شربنا متة: ما كانت ضيافتو منيحة (بتنقال بجدية)

شبك؟! بدنا نشرب متة: لا تقلي رايح.

يلا بشرب كاستين: ما رح خجلك, بس عنجد أنا مستعجل.

منشرب متة بالأول ولا مناكل و منشرب متة؟: تنظيم وقت السيران.

انقالت بقعدة متة: ضعيفة المصداقية.
In God We Trust
صورة العضو
Eng. Jan Fahoom
Site Admin
Site Admin
 
مشاركات: 607
اشترك في: الخميس ديسمبر 02, 2004 5:32 pm
مكان: Toronto - ON

Re: مصطلحات المتة في طرطوس

مشاركةبواسطة Dr Rabie في الثلاثاء نوفمبر 09, 2010 5:56 pm

شي رهيب يا حبيب

في وحدة كمان:

هلق منروح نركز ضرب متة و درس للصبح: عالاغلب فبل ليلة او ليلتين من شي فحص صعب
.

كانت عن دورنا بس ما بعرف اذا بطلت هلق شغلة الدراسة او لأ
____
صورة العضو
Dr Rabie
مشرف عام
مشرف عام
 
مشاركات: 858
اشترك في: الأحد ديسمبر 05, 2004 3:05 am

Re: مصطلحات المتة في طرطوس

مشاركةبواسطة issa في الأربعاء نوفمبر 10, 2010 9:45 pm



شو يعني دراسة؟


:?:
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مصطلحات المتة في طرطوس

مشاركةبواسطة وائل في الاثنين نوفمبر 15, 2010 11:06 am

مشاهير يشربون متة:

اللاعب الارجنتيني ميسي
صورة


العالم أنشتاين
صورة


مارادونا
صورة


ميسي
صورة


وليد جنبلاط
صورة


تمثال محارب في احد دول امريكا الجنوبية
صورة


الثائر تش غي فارا


صورة
وشاء الهوا ...
صورة العضو
وائل
عضو ماسي
عضو ماسي
 
مشاركات: 467
اشترك في: الأحد سبتمبر 03, 2006 9:33 am
مكان: الدمام السعودية -


العودة إلى نكــــت و طرائـــف

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 3 زائر/زوار

cron