• اخر المشاركات

تعو نسال حالنا هالاسئلة ليش؟؟؟

اضحك تضحك لك الدنيا.

المشرف: kenan mehrez

تعو نسال حالنا هالاسئلة ليش؟؟؟

مشاركةبواسطة nourma_fahoom في الاثنين أكتوبر 25, 2010 10:06 pm

ليش بنرفع أكتافنا إلى الأعلى عندما نضطر للمشي تحت المطر من
دون مظلة؟؟ يعني هيك ما رح نتبلبل؟؟

ليش بنخفض صوت المسجل أو الراديو بالسيارة عندما نشعر بأننا دخلنا
بالطريق الخطأ؟؟؟ يعني هيك بنصير بنعرف الطريق الصحيح؟؟

ليش عندما تكون بطارية الريموت كنترول ضعيفة نقوم بالضغط بقوة على
الأزرار؟؟ يعني هيك بنشحن البطارية؟؟
ليش عندما نكون داخل المنزل و السماء تمطر نسأل: شو بتمطر برا ؟
يعني
بحياتها
مطرت جوا مثلاً ؟؟؟
ليش عندما نقرأ على الحائط احترس من الدهان ؟؟ لا نصدق بل نجرب ذلك
بأصبعنا؟ يعني بدك يللي دهن الحيط يحلفلك يمين؟؟

ليش عندما تركن سيارتك في موقف خالي تماماً من السيارات يقوم
السائق
الذي يأتي بعدك بوضع سيارته بجانب سيارتك؟؟ يعني بيترك المواقف
كلها
وبيوقف
جنبك!؟

ليش عندما يتأخر المصعد نضغط عدة مرات على الزر؟؟؟ يعني هيك بحس
على
دمو و بيستعجل؟؟

ليش عندما تكون منتظراً المصعد و يأتي شخص آخر تجده يضغط أيضاً
لطلبه؟؟ يعني مو شايفك بالمرة!؟

ليش نفتح فمنا عندما نقوم بإطعام الطفل الصغير ؟؟؟ نحنا يللي بناكل
و
لا هو؟؟؟؟؟

ليش عندما نتصل بالهاتف يكون الرقم الخطأ دوماً غير مشغول؟؟ شو
هالحظ
ياللي بيفلئ الصخر يا !!؟

ليش بنشعر دوماً
بأننا بحاجة إلى 10 دقائق نوم إضافية كلما استيقظنا
صباحاً؟؟

ليش الشخص الذي يشخر ليلاَ يكون أول من تغمض عينيه؟؟ يعني ما بكفي
شخيروا و ببلش في بكير كمان؟؟؟

ليش بنقول هدية مجانية؟؟ ليش في هدية غير مجانية؟؟

ليش لما بتشد برغي للآخير بتشد عا حالك و بتكزّ على سنانك ؟؟ شو
اذا
ما كزّيت بينحل البرغي
يعني؟؟

ليش لما بتشوف واحد بمياكل ليمون ,, بتحمض و بتشط ريالتك ؟؟ انت
اللي
بمتاكل ولاّ هوِ ؟؟

و ليش لما واحد بيتتاوب ادّامك ,, بتقلّو نعسّتنا؟؟ .. لك شو دخلك
انت
؟؟


ليش لما نكون ماشين بالسيارة ونشوف قدامنا غصن شجرة واطي شوي بنوطي
راسنا.. يعني رح يضرب فينا؟

ليش بعد ما نشرب آخر شفة من فنجان شاي بنطلع فيه إذا بئي كمان ولا

خلص؟يعني ما بنصدق حتى نشوف؟؟

ليش لما نسمع صوت عالي او تكسير صحون مثلا , بنسكر عيونا ؟ يعني شو
بيخف الصوت اذا غمضنا ؟؟
GOd Is Love

صورة
صورة العضو
nourma_fahoom
مشرف
مشرف
 
مشاركات: 1678
اشترك في: الجمعة سبتمبر 16, 2005 7:37 pm

Re: تعو نسال حالنا هالاسئلة ليش؟؟؟

مشاركةبواسطة issa في الثلاثاء أكتوبر 26, 2010 8:18 pm




عزيزتي
ليش عم تكتبي بلون أحمر
خلص الحبر الأسود بكومبيوترك؟؟



:o :o :o :o

لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: تعو نسال حالنا هالاسئلة ليش؟؟؟

مشاركةبواسطة Eng. Jan Fahoom في الأربعاء أكتوبر 27, 2010 3:58 am

مرحبا نورما كيفك؟

خليني اسألك سؤال قبل ما رد على موضوعك....
ليش نحنا ما منفكر بالموضوع قبل ما ننقلو, و ليش ما منحاول نفكر شوي بهالأسئلة اللي مو منطقية تنطرح بهالصورة الهزلية!!!!!!

المهم خليني جاوب عمعظم هالأسئلة بعد تفكير شوي منطقي:


ليش بنرفع أكتافنا إلى الأعلى عندما نضطر للمشي تحت المطر من دون مظلة؟؟ يعني هيك ما رح نتبلبل؟؟


الجواب المنطقي لحتى ما يفوت المطر البارد عجسم الشخص, لأن هالمنطقة من الجسم حساسة للبرودة كتير

ليش بنخفض صوت المسجل أو الراديو بالسيارة عندما نشعر بأننا دخلنا بالطريق الخطأ؟؟؟ يعني هيك بنصير بنعرف الطريق الصحيح؟؟


طبعا ما رح نعرف الطريق, بس خفض الصوت المرتفع بيساعد عالتركيز أكتر, و بالتالي منلاقي الطريق.

ليش عندما تكون بطارية الريموت كنترول ضعيفة نقوم بالضغط بقوة على الأزرار؟؟ يعني هيك بنشحن البطارية؟؟


لأن فعلا الضغط عالزر بقوة بيساعد إنو الجهاز يشتغل وقت بتكون البطاريات ضعيفة

ليش عندما نكون داخل المنزل و السماء تمطر نسأل: شو بتمطر برا ؟
يعني بحياتها مطرت جوا مثلاً ؟؟؟


أكيد ما بتمطر برا,, بس بما إنو الإنسان الطبيعي اللي عم يسأل بيكون جوا,,, فبدو يحدد سؤاله,, و لحتى يحدد المكتن بدو يقول برا, بمنطقة الفلانية, بمدينة كذا......إلخ

ليش عندما نقرأ على الحائط احترس من الدهان ؟؟ لا نصدق بل نجرب ذلك بأصبعنا؟ يعني بدك يللي دهن الحيط يحلفلك يمين؟؟


هي طبيعة الإنسان و الله هيك خلقنا حشريين.... و اختمال يكون الدهان ناشف من زمان و مو شايلين الملاحظة

ليش عندما تركن سيارتك في موقف خالي تماماً من السيارات يقوم السائق الذي يأتي بعدك بوضع سيارته بجانب سيارتك؟؟ يعني بيترك المواقف كلها وبيوقف جنبك!؟


ما صارت معي قبل, ولا شفتا قدامي

ليش عندما يتأخر المصعد نضغط عدة مرات على الزر؟؟؟ يعني هيك بحس على دمو و بيستعجل؟؟


أنا بتمنى من اللي سأل السؤال يعرف الخوارزمية اللي بيبرمجوا على أساسها المصاعد و بعدين يجي يسأل

ليش عندما تكون منتظراً المصعد و يأتي شخص آخر تجده يضغط أيضاً لطلبه؟؟ يعني مو شايفك بالمرة!؟


كمان بتمنى من اللي سأل السؤال يعرف الخوارزمية اللي بيبرمجوا على أساسها المصاعد و بعدين يجي يسأل

ليش نفتح فمنا عندما نقوم بإطعام الطفل الصغير ؟؟؟ نحنا يللي بناكل و لا هو؟؟؟؟؟


طبعا مو نحنا الي عم ناكل, بس وقت منفتح فمنا أكيد منشان الولد الصغر يتشبه فينا و يفتح تمو و ياكل, هي ردة فعل عند الولاد الصغار

ليش عندما نتصل بالهاتف يكون الرقم الخطأ دوماً غير مشغول؟؟ شو هالحظ ياللي بيفلئ الصخر يا !!؟


ما لقيتلو معنى نهائيا لهالسؤال الغبي

ليش بنشعر دوماً بأننا بحاجة إلى 10 دقائق نوم إضافية كلما استيقظنا صباحاً؟؟


لأن الإنسان مانو محرك,,, يا أخي حتى المحرك بدو وقت ليحمى و ينطلق

ليش الشخص الذي يشخر ليلاَ يكون أول من تغمض عينيه؟؟ يعني ما بكفي شخيروا و ببلش في بكير كمان؟؟؟


أكيد لأن اللي بيشخر بكون بسبب وجود زوائد لحمية بالأقنية التنفسية و بالتالي بيدخل كمية هوا أقل و بيضل الجسم تعبان و بيحتاج نوم أكثر

ليش بنقول هدية مجانية؟؟ ليش في هدية غير مجانية؟؟


طبعا في هدايا غير مجانية,,, بتكون مشروطة, يعني اتأهل الشخص ليربح الهدية بس إذا عمل كذا

ليش لما بتشد برغي للآخير بتشد عا حالك و بتكزّ على سنانك ؟؟ شو اذا ما كزّيت بينحل البرغي يعني؟؟


ما عندي جواب لأن سؤال ما إلو معنى

ليش لما بتشوف واحد بمياكل ليمون ,, بتحمض و بتشط ريالتك ؟؟ انت اللي بمتاكل ولاّ هوِ ؟؟


لأن علميا يا سيدي السائل المتسائل المستهزئ, حاسة الجوع و إفراز اللعاب و العصارات المعدية, تبدأ قبل ما نتذوق الطعام, يعني العين و الأنف بيحفزوا إفراز اللعاب قبل ما توصل اللقمة للتم

و ليش لما واحد بيتتاوب ادّامك ,, بتقلّو نعسّتنا؟؟ .. لك شو دخلك انت ؟؟


يعني ما بدا سؤال, كمان هدا منعكس طبيعي عند اي شخص طبيعي, إلا إذا اللي سأل السؤال مو طبيعي

ليش لما نكون ماشين بالسيارة ونشوف قدامنا غصن شجرة واطي شوي بنوطي راسنا.. يعني رح يضرب فينا؟


لا تعليق

ليش لما نسمع صوت عالي او تكسير صحون مثلا , بنسكر عيونا ؟ يعني شو بيخف الصوت اذا غمضنا ؟؟


كمان ردة فعل نفسية


يعني مع احترامي للي كتب هالمقال المنقول من قبل عزيزتنا نورما,,,, بقلو خليك شوي إيجابي بهالحياة و ما تاخد موقف الساخر على طول لأن بدو يطلعلك حدا متلي و يعملك مسخرة

يعني يا نورما و مع احترامي إلك ما لازم ننقل المواضيع لمجرد النقل, لأن بمعظم الأحيان بتكون بتعبر عن فكرة مختلفة تماما عن أفكارنا.
In God We Trust
صورة العضو
Eng. Jan Fahoom
Site Admin
Site Admin
 
مشاركات: 607
اشترك في: الخميس ديسمبر 02, 2004 5:32 pm
مكان: Toronto - ON


العودة إلى نكــــت و طرائـــف

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 6 زائر/زوار

cron