• اخر المشاركات

مجلة الجاروفة

اضحك تضحك لك الدنيا.

المشرف: kenan mehrez

مجلة الجاروفة

مشاركةبواسطة issa في السبت مارس 20, 2010 7:08 pm

اطلقت وكالة رجاع لورا مجلتها الجديدة “الجاروفة” في حفل خاص جداً، لدرجة أنه لم يدع إليه أحد بتاتاً. ويتضمن العدد الأول مقابلات مع أشهر الفنانات والفنانين، بالإضافة إلى مئات الأخبار المشوقة على عشرات الصفحات الصالحة لتنظيف زجاج المنزل، أو لوضعها على أرضية قفص العصفور، أو لفلشها على بلاط السيراميك لحمايته من الدهان أثناء قيامكم بطرش المنزل.

وتتمنى رجاع لورا أن تنال المجلة إعجاب رواد الموقع، علها تزيد من معلوماتهم الفنية، وتغني حياتهم بالجمال والأناقة وما أشبه ذالك.

وما يليه مواضيع هذا العدد:

موهبتها، صوتها أو ايمانها الكبير!
ما هو سر نجاح المطربة شظايا؟

المطرب “قاذف الساتر”:
“قبلت بدور البطولة في
فيلم حبك قاذف لهب”

سيدة الرقص الشرقي “مجازر”
تحيي حفلاً خيرياً يعود ريعه
لحسابها في البنك

الشاعر “وظوظ ” يختم
جولته الشعرية بالشمع الأحمر
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة issa في السبت مارس 20, 2010 8:00 pm



اقيم ماتش “بينغ بونغ” في الأسبوعين الأخيرين بين وزارة الخارجية اللبنانية والسفير الليبي. ويأتي الماتش ضمن بطولة قمة جامعة الدول العربية التي ستعقد في ليبيا. وتنقل لكم وكالة

اقيم ماتش “بينغ بونغ” في الأسبوعين الأخيرين بين وزارة الخارجية في جمهورية الحمص والسفير الليبي. ويأتي الماتش ضمن بطولة قمة جامعة الدول العربية التي ستعقد في ليبيا. وتنقل لكم وكالة الأنباء رجاع لورا تفاصيل المباراة والنتائج في الملخص أدناه:


الساعة ٨:٠٠ النشيد الوطني وبدء المباراة

الساعة ٨:٠١ وزارة الخارجية: لن نشارك في قمة ليبيا

الساعة ٨:٠٤ السفير الليبي: لم نوجه لكم دعوة رسمية أصلاً

الساعة ٨:٠٥ وزارة الخارجية: حسناً، في حال وجهتم دعوة رسمية لنا، لن نلبيها

الساعة ٨:٠٧ السفير الليبي: سنسلمكم دعوة للمشاركة في القمة العربية

الساعة ٨:٠٨ وزارة الخارجية: لا نريدها

الساعة ٨:١٠ السفير الليبي: حسناً، وجهنا لكم دعوة كما اتفقنا سابقاً

الساعة ٨:١٢ وزارة الخارجية: لم نتفق على شيء

الساعة ٨:١٣ السفير الليبي: بلى اتفقنا، وسلمناكم الدعوة

الساعة ٨:١٥ وزارة الخارجية: لم نتسلمها

الساعة ٨:١٦ السفير الليبي: وجهنا لكم الدعوة عبر سفيركم في دمشق

الساعة ٨:١٨ وزارة الخارجية: تسليم الدعوة لم يراعي الأصول البروتوكولية

الساعة ٨:١٩ السفير الليبي: ما هي الأصول المتبعة؟

الساعة ٨:٢٢ وزارة الخارجية: لا ندري، ولكن الدعوة مرفوضة

الساعة ٨:٢٣ إنتهاء الماتش بتعادل سلبي، وتتابع البطولة الإسبوع المقبل
شو فهمنا
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة issa في السبت مارس 20, 2010 8:22 pm

نسينا أبلاغ القراء عن هدية العدد الأول


علبة بنادول وسي دي للفنانة اللهلوبة نيفين نصر

يأبشني
يأبشني

حبيبي ويطوشني
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة issa في الأحد مارس 21, 2010 7:11 pm



بمناسبة عيد الأم ولتحفيز الذوق العام حتى ما يصدي
ندعو من همه الأمر وكل معني بالعيد :زوجا" أو أبنا" وخاصة" الكناين الى التقيد بالأتي

“يمنع منعاً باتاً إهداء الأم أي هدية تزيد من اشغالها المنزلية مثل طنجرة بريستو، مكنسة كهربائية، ماجيميكس، مايكرو وايف، ألخ…
يمنع منعاً باتاً إهداء الأم كتاباً عن الطبخ مهما كانت أكلاتها سيئة؛ ما سببته لها من أوجاع رأس وقلق وهريان أعصاب بسبب تصرفاتك الطائشة كإبن أو إبنة لا يخولك الحكم على نوعية الأكل التي تحضره أمك. ستأكل طبخاتها وستقول لها “يسلموا إديكي” حتى لو قدمت لك طبخة بحص ورز.

يمنع منعاً باتاً أن تقضي الأم خمس ساعات في المطبخ وهي تحضر وليمة بمناسبة عيدها؛ إنقبر أيها الزوج والأولاد وادعوها إلى مطعم يليق بها وبالمناسبة.

ختاماً، قد تكون أفضل هدية تقدمها لوالدتك مجانية. نعم مجانية! كيف؟ “شو رأيك تحل عن سماء ربها شي يومين؟!”.

إنتهى البيان
شكراً”
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة issa في الأحد مارس 21, 2010 7:25 pm

بمناسبة أنقعاد عفوا" أنعقاد القمة العربية في ليبيا
ومن وحي المناسبة السعيدة
أخبرنا صحافي عتيق النكتة التالية


في مرة طيارة وقعت فوق غابات الامازون ماتو الركاب و بقيوا 3 ركاب واحد امريكي و واحد روسي و واحد عربي كمشوهن قبيلة هنود حمر و بدهن يحطوهن على الخازوق و بعد مفاوضات اتفقوا انو الشباب بيسألوالهنود كل واحد سؤال اذا عرفوا يجابوه بيحطوه على الخازوق و اذا ما عرفوا بيتركوه يروح اجا الامريكي سالهن حزركن مين هذا كريستوف كولومبوس اجتمعوا الهنود شي ساعتين وقالوله هذا اللي اكتشف امريكاقالهن صح و حطوه على الخازوق اجا الروسي سألهن مين هذا لينين كمان اجتمعوا شوي و قالوله هذا اللي اسس الشيوعية قالهن صح و كمان خوزقوه اجا العربي قلهن حزركن شو هاي الجامعة العربية فكروا شي نهارين و ما عرفوا قالوله ما عرفنا شو هاي الجامعة العربية قالهن هيدولي متلكن بيجتمعوا بيجتمعوا و بيطلعو بيخوزقوا العالم
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة issa في الأحد مارس 21, 2010 10:32 pm

أحلم بمدينة لا تشبه غيرها . أحلم بجمهورية لا تشبه أي جمهورية قبل التاريخ وبعده: أحلم بمدينة تدعى "الضاحكة"، حيث أهلها وسكانها والوافدون إليها يتعاطون الضحك مهنة وحرفة
فيها حكومة مبتسمة على الدوام، ومواطنون ينهضون إلى أعمالهم الضاحكة.

هناك وزير دفاع عن الضحك، ووزير مالية لتوزيع البسمات
ووزير داخلية للمرح، ووزير خارجية للنكت ووزير تجارة لاستيراد وتصدير الفرح.
مدينة يكتب على شواهد قبورها
عشت ومتت ضاحكا" فتابعوا القهقهة من بعدي
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة issa في الاثنين مارس 22, 2010 11:27 pm

حظ ما في

مرة ابو العبد كان عم يشتغل بمحل اواعي اجا واحد من الزباين وعجبته البدلة اللي لابسها ابو العبد بس المشكلة انه ماكان فيه غيرها بالمحل فاجه صاحب المحل قلع ابو العبد هالبدله وعطاها للزبون ابو العبد سكرت معه وترك الشغل .. رد اشتغل بمحل احذية وصار معه نفس الشي اجه زبون وعجبته الكندرة اللي لابسها ابو العبد. اجه صاحب المحل قلع ابو العبد هالكندرة وباعها لهل زبون .. والله ابو العبد سكرت معه وترك هالشغل ..بعدين ابو العبد اشتغل بسوبرماركت ومشي حاله.. بعد بمدة لما كان عم يشتغل بهالمحل نط فجاة ترك هالشغل ونزل ركض با لشارع .. صاحب المحل فكر انه سرق شي المهم قعد يركض وراه لحد ما مسكه . اجه ليفتشه مالقى معو شي قام قلو انت شو قصتك يا ابو العبد؟ تركت هالسوبرماركت ونزلت تركض بالشارع ؟ قام قله ابو العبد وهوه عم يلهت : فيه زبونة بالمحل بدها درزينة بيض وماعننا غير 10 بيضات بالمحل
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة issa في الثلاثاء مارس 23, 2010 8:49 pm

لا تكن مدمنا" على كلمة نعم
قد تصبح مطية لغيرك وبابا" من أبواب فش الخلق
وتحمل أثقال غيرك ووظائفهم من حيث لا تدري
جرب أن تقول بشوف
بعمل جهدي
بحاول
يمكن أقدر

ترفع من قدرك
تزيل فكرة الفرض

فكر معي
لقد ولدتكم أمهاتكم أحرارا"
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة Eng. Jan Fahoom في الجمعة مارس 26, 2010 12:28 pm



كان إبليس في غرفته , يلملم ملابسه في حقيبة

إلى جانب باقي متعلّقاته ...

على المنضدة القريبة كانت استقالته موقّعة ومختومة حسب الأصول , وبجوارها تقبع تيكيت إلى جزر القمر

كانت ملامح وجهه في تلك اللحظات

تنطق بالحزن, والكآبة , والإحباط , واليأس , وقلّة الحيلة ...

مع دهشة مزمنة ارتسمت عليه منذ فترة ليست بالقريبة,

واعترافٍ بالعجز والفشل إبليس راحلٌ عن بلادنا إلى غير رجعة...



فليفرح المؤمنون .... وين يامسهّل؟ ليش عم بتضبّ غراضك



يازلمة ماضلّلي قعدة عندكم, إلي سنين عاطل عن العمل

وقرّبت موت من الجوع .. ما بلاقي معك سيجارة يا أخي ؟



ما رح أترك فيكم لاوسواس ولا خنّاس!

كنت زمان أوسوس للواحدة تترك ابنها يبكي وهي عم تحكي مع جاراتها,

هلأ صاروا لحالهم.. يرموا اولادهم بالحاوية أوّل ما يجوا



كنت أوسوس للواحد ينسى يسمّي الله قبل ما ياكل,

هلأ بطّل حدا يلاقي شي ياكلو! يا زلمة..

إذا أنا إبليس... تسمّمت بالشاورما



كنت كمان بوسوس للشب يرميلو كلمة عالبنت وهي ماشية بالشارع,

صاروا البنات يرمو عالشباب كلام أنا نفسي بستحي أحكيه

واحد بيسرق 100 مليون عينك عينك بيحبسوه 3 سنين بفيلاّ عالشط ,

وإثنين عم بينبشوا بمكبّ الزبالة بتقوصهن الشرطة ,

إنتو بدّكم إبليس إنتوا ؟؟؟؟

صار عندكم فائض بالفساد بكفّي 30 سنة لقدّام,

صرت خاف على حالي منكم يا زلمة



صرت اتجبر مرّات وسوس بالمقلوب وقول للمسؤول إرحم

وللحرامي بيكفّي.. خلّي شويّ للحراميّة اللي رح ييجوا بعدك..



يعني إذا إنتو لحالكن ما شاء الله بتعملوا كل هالبلاوي,

أنا إبليس شو أعمل ؟

أشتغل شوفير تكسي يعني

ولاّ أفتح صالون حلاقة ؟



ماضلّ غير قدّم للأوقاف يعيّنوني إمام جامع!!!
In God We Trust
صورة العضو
Eng. Jan Fahoom
Site Admin
Site Admin
 
مشاركات: 607
اشترك في: الخميس ديسمبر 02, 2004 5:32 pm
مكان: Toronto - ON

Re: مجلة الجاروفة

مشاركةبواسطة issa في السبت مارس 27, 2010 9:28 pm

عمبتصور أبليس واقف عباب مسؤول
طالب وظيفة أو كرت توصاية
أو واقف عباب كنيسة بونا حسن عبد المسيح
يشحد لحظة حنان
كبر المعتر وأحالو عالتقاعد
صار بدن دم جديد
كان الشر عندو هواية
أربع خمس غلطات
الحمار كان يقدر يحفظهن
لا تقتل لا تسرق لا تشتهي أمرأة قريبك أومقتنى غيرك
صار الشر عندن حرفة وفن وتخصصص
ومييات ومييات البواب بدها عشرعشرات وصايا لتساعن
بزرة مغضوب عليها
بيروح الشبعان بيجي الفجعان
وأغزلي يا حنة
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة issa في السبت مارس 27, 2010 10:31 pm

الخراب كان دائماً مرادفاً للضجيج والصوت العالي، والعكس صحيح. والأفكار النبيلة والعظيمة في هذا الشرق، قالها أصحابها بوتيرة هادئة تلامس حوافي الهمس، وأحياناً تستبدله بالقلم والكتابة، ولهذا سرحت على مدى الزمان وبقيت فيه خالدة ما بقي، فيما غيرها طوته الريح وبخّرته أشعة شمس لا تذوي.
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة issa في السبت إبريل 03, 2010 3:54 pm

بكرا العيد
ينعاد عليكن جميعا"
أمثولة القيامة
تخبرنا أن الحقيقة
لا يمكننا دفنها في القبر أكثر من يومين




عاسيرة القبر والموت
مرة واحد راح يشتري تابوت
قللو الحانوتي في تابوت بألف دولار وتابوت بمية

قللو الشاري لليش الفرق هالقد

قللو الحانوتي
اللي بألف شغل برا وداخله مخمل وساتان وواسع ومدهون لكر تلت وجاه

قللو واللي بمية ؟؟
جاوبو الحانوتي
خشب محللي مدهون وج واحد وضيق ليك بشرفك فيك تحرك أيديك فيه!!!!!!!
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة issa في السبت إبريل 10, 2010 6:26 pm

لغتنا العربية فضفاضة مكشكشة واللسان الفصيح من البيضة بيصيح
بس المشكل أنو المعنى بقلب الشاعر
يعني فيك تقول شو ما بدك و تقصد شي تاني وتالت ورابع
وما حدا على ---------------- بيعلق

أبرز وأكثر العبارات المزدوجة المعنى والأكثر أستعمالا من موطفي الحكومة والشوفيرية وأصحاب المهن اليدوية
يعني من كل لص لسانو وأيده أطول من ليالي القطب الجنوبي هي كالتالي


ما في مشكل = في مشكل. و مشكل كبير!


ولا يهمك = ما في شي بطمن!


الله معك = الله ياخدك


تبقى طل = اخت يلي بيستقبلك


تروح وترجع بالسلامة = تروح وما ترجع!


إنت الصادق = إنت الكاذب


بكير تمشي، قعود شوي = فرجينا عرض كتافك


سلملي على البابا = ذكرو للبابا إنه بدي منو مصاري


شو اسمك؟ = شو طايفتك؟


شو إسم العائلة؟ = شو طايفتك؟


إنت من أي منطقة؟ = شو طايفتك؟


بلا معلمية = إنت حمار


أنا بحبك = بدي ضاجعك (هاي بالنحوي)


بلا قطعا" من حديثك = سد بوزك


معك حق. بس… = كول خرى
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة issa في الأحد إبريل 11, 2010 11:29 am

لي صديق مزعج يطرح أسئلة مزعجة
منها لمجرد رسم علامة أستفهام
ومنها لمجرد التمريك
ومنها لئمنة ومنها هضامة
تذكر ني بأسئلة الأمير الصغير تبع سانت أكزوبري
التائه بين كوكبه المتفكك وكواكب شرقنا العربي
حيث كل لص سرق كم ليرة أصبح كوكبا بحد ذاته

هكذا هو ولطالما كان كذلك من زمان يسرح بعينيه ويكرج بأسئلته:

لماذا ندفع ما فوقنا وتحتنا لنستخدم سرلنكيات لتنظيف بيوتنا
فيما لا نتورع عن رمي زبالتنا في الشوارع ونحن سائرون وعين الله ترعانا

لماذا نكتب روايات عن الوطن والخير والفضيلة للراديو والتلفزيون أرضا وفضاءا"
فيما ننتخب اللصوص لأدارته (وأولادهم وأنسيائهم وأصهارهم)

لماذا نسب أمركا وبضائعها وشركاتها
ونقف بالصف أمام الماكدونالد ونقطع البيبسي من السوق
ما بيمشي الفلافل الا مع البيبسي ؟؟

ليش جاري حمار وساقط بالسرتفيكا موظف درجة عاشرة بالمالية
وعندو بيتين وشاليه وسيارتين وصانعة
كيف لو كمل دكتورا ؟؟؟؟

ليش كيلو الفول أخضر أغلى من الفريز اليوم ؟؟؟؟

ليش البقرة بتاكل خضرة وما بتضعف

ليش و ليش و ليش
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

Re: مجلة الجاروفة

مشاركةبواسطة issa في الأحد إبريل 11, 2010 11:50 am

كان في اثنين حماصنة قاعدين

قال الاول للتاني: عم تحكني ايدي الشمال
قلو التاني: بدك تدفع مصاري.
وبعد شوي قلو: عم تحكني ايدي اليمين
قلو رفيقه: بدك تقبض مصاري..
بعد شوي قلو: عم تحكني رجلي اليمين.
قلو: بدك تروح مشوار عزاء.
بعد شوي قلو: عم تحكني رجلي الشمال
فقلو رفيقه: بدك تروح على عرس.
بعدين قلو: عم يحكني ظهري.

قلو رفيقه: روح انقلع هيئتك جربان
لست ملزما أن أفهم الأخرين من أنا --- فمن يمتلك مؤهلات العقل والإحساس
سأكون أمامه كالكتاب المفتوح وعليه أن يحسن الفهم
issa
عضو ماسي
عضو ماسي
 
مشاركات: 904
اشترك في: السبت أغسطس 09, 2008 4:57 pm

التالي

العودة إلى نكــــت و طرائـــف

المتواجدون الآن

المستخدمون المتصفحون لهذا المنتدى: لا يوجد أعضاء مسجلين متصلين و 6 زائر/زوار

cron